ھندوستان میں شھریت ترمیمی بل کو پارلیمنٹ کے دونوں ایوانوں سے منظوری ملنے کے باوجود بل کے خلاف مختلف علاقوں میں احتجاجی مظاھروں کا سلسلہ شروع ھو گیا ہے۔
ھندوستانی ذرائع ابلاغ سے حاصل ھونے والی رپورٹوں کے مطابق شھریت ترمیمی بل کے خلاف ھندوستان کی شمال مشرقی ریاستوں سے شروع ھونے پرتشدد مظاھروں کا سلسلہ اب دیگر ریاستوں میں بھی پھیل گیا ہے۔
شمال مشرقی ریاستوں میں ھونے والے پرتشدد مظاھروں کے باعث ھندوستانی وزیرداخلہ امت شاہ کو اپنا شیلانگ دورہ منسوخ کرنا پڑ گیا ہے۔
امت شاہ کو سیکورٹی کی صورت حال خاص طور سے آسام کی صورت حال کے پیش نظر اپنا دورہ منسوخ کرنا پڑا ہے ۔
درایں اثنا ھندوستان کی ریاست اترپردیش اور بھار سے بھی شھریت ترمیمی بل کی مخالفت میں مظاھروں کی خبریں موصول ھوئی ہیں ۔اطلاعات کے مطابق یوپی اور بھار کے مختلف شھروں کے عوام نماز جمعہ کے بعد سڑکوں پر نکل آئے اور اس بل کی مخالفت میں نعرے لگائے۔
دوسری جانب ھندوستان کی مرکزی حکومت نے بعض ریاستوں کی جانب سے شھریت ترمیمی بل کو نافذ کرنے سے انکار کے اعلان کے بعد کھا ہے کہ ریاستی حکومتوں کو اس بل کو نافذ کرنے سے انکار کا حق نھیں ہے۔
مرکزی حکومت کا یہ بیان ایسی حالت میں آیا ہے کہ جب مغربی بنگال ، پنجاب ، مدھیہ پردیش ، کیرل اور چھتیس گڑہ کے وزرائے اعلی نے اعلان کیا کہ اس بل سے ان کا کوئی تعلق نھیں ہے اور وہ اسے نافذ نھیں کریں گے۔

Add comment