اسلامی جمھوریہ ایران کی پارلیمنٹ مجلس شورائے اسلامی کے اسپیکر نے ایشیائی ملکوں کے تعلقات اور باھمی تعاون کے فروغ میں ایشیائی پارلیمانی اسمبلی کے کردار پر تاکید کی ہے۔
اسلامی جمھوریہ ایران کی پارلیمنٹ کے اسپیکر علی لاریجانی نے سنیچر کو ایشیائی پارلیمانی اسمبلی کے بارھویں اجلاس میں شرکت کے لئے ترکی روانگی سے قبل صحافیوں سے گفتگو کرتے ھوئے کھا کہ حالیہ عشروں کے دوران ایشیائی ممالک نے تجارت، اقتصاد، علم و ٹیکنالوجی کے شعبے میں اھم پیشرفت کی ہے اور سیاسی مسائل کے حل میں موثر طریقے اختیار کئے ہیں۔
ڈاکٹرلاریجانی نے اس بات کا ذکر کرتے ھوئے کہ ایشیائی پارلیمانی اسمبلی کے بارھویں اجلاس میں سائنسی و اقتصادی تعاون کے لئے کچھ طریقہ کار سامنے آئے ہیں ، امید ظاھر کی کہ یہ اے پی اے عصر حاضر میں نئے انداز سے ایشیائی ممالک کے رابطوں میں موثر طریقہ کار فراھم کرے گی ۔
اسلامی جمھوریہ ایران کی پارلیمنٹ کے اسپیکر نے ایشیائی پارلیمانی اسمبلی کے اجلاس کے انعقاد کو رکن ممالک کے درمیان گفتگو اور ملاقات کا ایک موقع قرار دیا اور کھا کہ اس دورے میں ایران کا پارلیمانی وفد اے پی اے کے رکن ممالک کے سربراھوں سے گفتگو میں ایران کے اقتصادی حالات کو بھتر بنانے کی کوشش کرے گا۔
اسلامی جمھوریہ ایران کی پارلیمنٹ کے اسپیکر علی لاریجانی صحافیوں سے گفتگو کے بعد ایک اعلی سطحی پارلیمانی وفد کی قیادت میں سنیچر کی صبح ایشیائی پارلیمانی اسمبلی اے پی اے کے اجلاس میں شرکت کے لئے ترکی روانہ ھوگئے۔

Add comment