قدس فورس کے نئے کمانڈر برگیڈیئر جنرل اسما‏عیل قاآنی نے کھا ہے کہ دنیا بھر کے حریت پسند، جنرل قاسم سلیمانی کے انتقام کے خواھاں ہیں اور ھم ان کے خون کا انتقام لے کے رھیں گے۔
قدس فورس کے کمانڈر کی حثیت سے اپنے عھدے کا باضابطہ چارج سنبھالنے کے بعد ایک تقریب سے خطاب کرتے ھوئے بریگیڈیئر جنرل اسما‏عیل قاآنی کا کھنا تھا دشمن نے بزدلانہ حملہ کرکے جنرل قاسم سلیمانی کو شھید کیا ہے کیونکہ میدان جنگ میں ان کا مقابلہ کرنے کی اس میں جرائت نھیں تھی۔
برگیڈیئر جنرل اسما‏عیل قاآنی نے واضح کیا کہ جنرل قاسم سلیمانی کی شھادت سے قدس فورس کی پالیسیوں میں کوئی تبدیلی نھیں آئے گی بلکہ ھم پوری قوت سے آگے قدم بڑھائیں گے۔
انھوں نے امریکہ کو شرارت، دشمنی اور خباثت کا محور قرار دیتے ھوئے کھا کہ ایران کے دشمن صرف طاقت کی زبان سمجھتے ہیں اور ھم اسی زبان میں ان کو جواب دیں گے۔
قدس فورس کے کمانڈر نے اپنے پیشرو شھید قاسم سلیمانی کی خدمات کو زبردست الفاظ میں خراج تحسین پیش کرتے ھوئے کھا کہ انھوں نے برسوں کی مجاھدت اور دین اسلام کی خدمت کے دوران جام شھادت نوش کیا۔
اس موقع پر جنرل اسماعیل قاآنی کو باضابطہ طور پر قدس فورس کی کمانڈ سونپی گئی اور اس فورس کا نشان عطا کیا گیا۔
علاوہ ازیں سپاہ پاسداران انقلاب اسلامی کے سربراہ کی جانب سے جاری کیے جانے والے ایک حکم نامے کے تحت جنرل سید محمد حجازی کو قدس فورس کا نیا ڈپٹی کمانڈر مقرر کیا گیا ہے جو جنرل اسماعیل قاآنی کی جگہ یہ عھدہ سنبھالیں گے۔

Add comment