اسلامی جمھوریہ ایران نے سپاہ قدس کے نئے کمانڈر اسماعیل قاآنی کوقتل کرنے کے بارے میں امریکی وزارت خارجہ میں ایران ایکشن گروپ کے سرغنہ کی شرمناک دھمکی کو امریکا کی ریاستی دھشت گردی کی ایک اور واضح مثال قراردیا ہے۔
امریکی وزارت خارجہ میں ایران ایکشن گروپ کے سرغنہ برایان ھوک نے ڈاؤس میں عالمی اقتصادی فورم کے اجلاس کے موقع پر روزنامہ الشرق الاوسط کو انٹرویو دیتے ھوئے نھایت گستاخی کا مظاھرہ کرتے ھوئے کھا کہ جنرل قاسم سلیمانی کے جانشین اورسپاہ قدس کے نئے کمانڈراسماعیل قاآنی اگر اپنے پیشرو کے راستے پر چلیں گے تو ان کا انجام بھی جنرل سلیمانی جیسا ھوگا۔
ایران کی وزارت خارجہ کے ترجمان سید عباس موسوی نے برایان ھوک کے اس دھشت گردانہ بیان کے جواب میں کھا کہ امریکی وزارت خارجہ کے اس عھدیدار کے بیانات ، امریکا کی ریاستی دھشتگردی اور ٹارگیٹ کلنگ کا کھلا اعلان ہیں ۔
ترجمان وزارت خارجہ سید عباس موسوی نے کھا کہ صھیونی حکومت کے بعد امریکی حکومت دنیا کی دوسری ایسی حکومت ہے جو کھلے عام اعلان کر رھی ہے کہ وہ اپنی مسلح افواج اور حکومت کے وسائل کو دھشتگردانہ اقدامات کے لئے استعمال کر رھی ہے اور اس کا سلسلہ آئندہ بھی جاری رکھے گی ۔
ایران کی وزارت خارجہ کے ترجمان نے امریکی حکومت کی جانب سے دھشتگردانہ اقدامات کا سھارا لئے جانے کو اس کی کمزوری ، مایوسی اور پریشانی کی علامت قرار دیا اور عالمی برادری سے مطالبہ کیا کہ وہ ان اقدامات اور ریاستی دھشتگردی کی حوصلہ افزائی کی مذمت کرے کیونکہ اس عمل کے جاری رھنے کا نتیجہ جلد یا بدیر سب کو بھگتنا پڑے گا۔
ایران کی سپاہ پاسداران انقلاب اسلامی کے قدس بریگیڈ کے کمانڈر جنرل قاسم سلیمانی جو تین جنوری کو عراقی حکام کی دعوت پر بغداد کے دورے پر گئے تھے ، عراقی عوامی رضاکار فورس الحشدالشعبی اور ان کے آٹھ ساتھیوں سمیت بغداد ایئرپورٹ کے قریب دھشتگرد امریکی فوج کے حملے میں شھید ھوگئے تھے ۔امریکہ کے اس مجرمانہ اقدام کی دنیا نے بڑے پیمانے پر مذمت کی تھی۔

Add comment