اسلامی جمھوریہ ایران کے دورے پرآئے ھوئے افغانستان میں اقوام متحدہ کے معاونتی مشن (یوناما) کے سربراہ تادامیچی یاماموتو نے ایران کے وزیر خارجہ محمد جواد ظریف سے ملاقات کی۔
افغانستان میں اقوام متحدہ کے معاونتی مشن (یوناما) کے سربراہ نے ایران کے وزیر خارجہ کے ساتھ ملاقات میں افغانستان کے مسائل کے حل میں ایران کے تعمیری کردار پر شکریہ ادا کیا۔
اس موقع پر یوناما کے سربراہ نے افغانستان کی تازہ ترین صورتحال کا ذکر کرتے ھوئے افغان جنگ کے دوران، اسلامی جمھوریہ ایران کی جانب سے افغان حکومت اور عوام کی حمایت کا شکریہ ادا کیا اور افغانستان کے مسائل کے حل میں ایران کے تعمیری کردار کو سراھا۔
اس موقع پر ایران کے وزیر خارجہ نے افغان صدارتی انتخابات کے نتایج سے متعلق بات کرتے ھوئے افغان عوام کی رائے کے تحفظ کی ضرورت اور شفافیت کے ساتھ حتمی نتایج کے اعلان کی اھمیت پر زور دیا۔
انھوں نے امید ظاھر کی کہ افغانستان کی نئی حکومت جلد از جلد اپنے کام کا آغاز کرے گی۔
جواد ظریف نے افغان حکومت کی قیادت میں بشمول طالبان افغانستان کے تمام سیاسی دھڑوں کے درمیان مذاکراتی امن عمل کی حمایت کرتے ھوئے امریکہ کیجانب سے تمام پیش کردہ تجاویز کو ناقابل بھروسہ قرار دیا۔
انھوں نے افغان مذاکراتی عمل میں آسانی لانے کیلئے اقوام متحدہ کیجانب سے کردار ادا کئے جانے پر بھی تاکید کی۔

Add comment