امریکی ریاست الاسکا میں ایک انجن والا مسافر بردار چھوٹا طیارہ گر کر تباہ ھوگیا جس کے نتیجے میں 5 افراد ھلاک ھوگئے۔
عالمی خبر رساں ادارے کے مطابق امریکی ریاست الاسکا میں مقامی پروازوں کیلیے مامور ایک انجن والا چھوٹا طیارہ بیتھل سے کیپنک جانے کے لیے اُڑان بھرنے کے کچھ ھی دیر بعد لاپتہ ھوگیا تھا۔
کنٹرول روم سے رابطہ منقطع ھونے کے بعد طیارے کی تلاش میں شروع کیے گئے ریسکیو آپریشن کے دوران جھاز کا ملبہ جنوب مغربی علاقے سے مل گیا۔ ملبے سے پانچ لاشیں نکالی گئی ہیں۔
انتظامیہ نے ھلاک ھونے والوں کی شناخت اھل خانہ کی اجازت کے بعد ظاھر کرنے کا عندیہ دیا ہے۔ حادثے کے بعد چھوٹے ایئرپورٹس سے شھر کے مرکزی ایئرپورٹ تک مسافروں کو لے جانے والی تمام پروازوں کو منسوخ کردیا گیا ہے۔
واضح رھے کہ گزشتہ روز بھی امریکی ریاست لوویزیانا میں ایک انجن والا چھوٹا طیارہ گر کر تباہ ھوگیا تھا جس میں 3 افراد ھلاک ھوگئے تھے۔ رواں برس چھوٹے طیارے گرنے کا پانچواں واقعہ ہے۔

Add comment