مشہور عربی اخبار رای الیوم نے امام کعبہ کے گزشتہ ہفتے خطبہ جمعہ پر ایک نظر ڈالی ہے۔ امام کعبہ ڈاکٹر شیخ عبد الرحمن السدیس نے گزشتہ ھفتے نماز جمعہ کا خطبہ دیا اور اس میں بہت سی باتیں کھیں لیکن سینچری ڈیل کا کوئی بھی ذکر نھيں کیا اور مسجد الاقصی کے لئے دعا بھی نھیں کی جو وہ ھمیشہ کرتے تھے۔
اس پر سوشل میڈیا میں شدید ھنگامہ مچ گیا۔ السدیس نے اپنے خطبے میں کھا کہ آج جب نظریات کی جنگ کا دور ہے تو نئے مذھبی نظریہ کا موضوع بھت ھی اھم ہے۔ مذھب اسلام میں رحم، آسانی اور حکمت کو ترجیح دی گئی ہے اور یہ متحرک مذھبی نظریہ ہے نہ کہ جامد۔
السدیس کا کھنا تھا کہ اسلام میں ھر زمانے کے حساب سے تبدیلی کی گنجائش ہے لیکن اصل بنیادوں میں نھیں بلکہ ان کے نفاذ اور ان پر عمل کرنے کے ذرائع میں تبدیلی کیا جانا ہے۔
امام کعبہ السدیس نے خطبے کے آخر میں دعا کروائی کہ اے پروردگار امت اسلامیہ کی مصیبتوں کو دور کر لیکن انھوں نے وہ دعا نھیں کروائی جو اس سے پہلے تک کروایا کرتے تھے۔
السدیس عام طور پر اس سے پہلے تک اپنے خطبوں میں مسجد الاقصی کا ذکر کرتے تھے اور دعا کرواتے تھے کہ اے پروردگار اس مسجد کو صھیونیوں کے قبضے سے آزاد کرا دے۔
السدیس کے خطبے میں نظر آنے والی اس تبدیلی کے بارے میں سوشل میڈیا پر بحث شروع ھوگئی۔ صارفین کا یہ کھنا ہے کہ اس وقت سینچری ڈیل کا مسئلہ گرم ہے اور اس خطرناک سازش کے ذریعے فلسطین کا نام ھی مٹا دینے کی کوشش کی جا رھی ہے تو اس وقت السدیس جیسے علماء ھی نھیں عام مسلمان کو بھی فلسطین اور مسجد الاقصی کی فکر ھونی چاھئے تاھم السدیس مسجد الاقصی کو پوری طرح فراموش کر گئے۔
کچھ افراد نے لکھا کہ السدیس کو اس محل، لمبی گاڑی اور خطیر رقم کی فکر ہے جو انھیں سعودی حکومت کی جانب سے ملی ہے۔ اگر انھوں نے سینچری ڈیل کے خلاف کچھ بول دیا تو ان ساری چیزوں سے ھاتھ دھونا پڑ جائے گا کیونکہ سینچری ڈیل جھاں امریکا نے تیار کی ہے وہیں اس ڈیل کی شدید حمایت سعودی عرب، متحدہ عرب امارات، بحرین اور عمان جیسے ممالک نے کی ہے ۔
کچھ افراد نے اپنے کمینٹ میں یہ یاد دلایا ہے کہ امام کعبہ کو یہ سوچنا چاھئے کہ زندگی کا زیادہ حصہ گزر چکا ہے، تھوڑا بچا ہے، آخرکار انھیں اس دنیا سے جانا ہے تو لذت دنیاوی میں پڑ کر مسجد الاقصی کو فراموش کرنا، بڑی بیوقوفی ہے۔
بشکریہ رای الیوم

Add comment