ایران نے خلائی صنعت میں ایک چھلانگ لگاتے ھوئے ظفر ایرانی سیٹلائٹ کو سیمرغ سیٹلائٹ لانچر سے خلاء میں کامیابی کے ساتھ بھیج دیا ہے۔
وزارت دفاع کی خلائی صنعت کے ترجمان سید احمد حسینی کا کھنا تھا کہ ایران، عالم اسلام میں سیٹلائٹ کو خلاء میں بھیجنے والا پہلا ملک بن گیا ہے۔ ان کا کھنا تھا کہ سیٹلائٹ اور سیٹلائٹ لانچر کی ڈیزاننگ، تعمیر اور سارے کام مقامی سطح پر انجام دیئے گئے اور ایرانی ماھرین کی کوششیں اس بارے میں قابل تعریف ہے۔
سید احمد حسینی کا کھنا تھا کہ ظفر سیٹلائٹ اور سیمرغ سیٹلائٹ لانچر کو خلاء میں بھیجنے سے پہلے متعدد تجربے انجام دیئے گئے جو کامیاب رھے۔
ایرانی ماھرین نے ظفر نامی ایرانی سیٹلائٹ کو سطح زمین سے پانچ سو کیلومیٹر کے مدار میں لانچ کرنے کا پروگرام بنایا تھا۔ پروگرام کے مطابق ظفر سیٹلائٹ کم سے کم ڈیڑھ سال تک مدار میں رھے گا ۔ اس کا وزن ایک سو تیرہ کیلو گرام ہے۔
ظفر سیٹلائٹ کے اپلیکیشنز میں جھیلوں کی حدود اور ساحلی پٹیوں کی نگرانی، اراضی اور زرعی زمینوں کے نقشوں کی جدید کاری، مستقل اور موسمی جھیلوں کی تبدیلیوں کی نگرانی، شھری علاقوں میں بحران کے بعد پھنچنے والے نقصانات، بنیادی ڈھانچوں کی تیاری اور شھری علاقوں کے حدود اربعہ میں توسیع و ترقی کا تعین و نگرانی کرنا شامل ہے۔

Add comment