یمن کی فوج اور عوامی رضا کار فورسز کی کارروائی میں درجنوں سعودی اتحاد کے آلہ کار فوجی ھلاک ھوگئے۔
المسیرہ کی رپورٹ کے مطابق سعودی عرب کے جنوبی صوبے عسیر کے أبواب الحدید علاقے میں یمن کی فوج اور عوامی رضا کار فورسز کی کارروائی میں درجنوں سعودی اتحاد کے آلہ کار فوجی ھلاک ھوگئے اور سعودی فوجی ساز و سامان تباہ ھوگیا۔
اسی طرح جیزان میں بھی ایک سعودی فوجی گاڑی کو نشانہ بنایا گیا جس میں سوار تمام فوجی ھلاک ھو گئے۔ جبکہ نجران میں یمن کی فوج نے کئی سعودی اتحاد کے فوجیوں کو ھلاک کیا۔
واضح رھے کہ سعودی عرب نے امریکا اور اسرائیل کی حمایت سے اور اتحادی ملکوں کے ساتھ مل کر چھبیس مارچ دوھزار پندرہ سے یمن پر وحشیانہ جارحیتوں کا سلسلہ شروع کر رکھا ہے ۔ اس دوران سعودی حملوں میں دسیوں ھزار یمنی شھری شھید اور زخمی ھوئے ہیں جبکہ دسیوں لاکھ یمنی باشندے اپنے گھر بار چھوڑنے پر مجبور ھوئے ہیں ۔
یمن کا محاصرہ جاری رھنے کی وجہ سے یمنی عوام کو شدید غذائی قلت اور طبی سھولتوں اور دواؤں کے فقدان کا سامنا ہے ۔
سعودی عرب نے غریب اسلامی ملک یمن کی بیشتر بنیادی تنصیبات اسپتال اور حتی مسجدوں کو بھی منھدم کردیا ہے لیکن اس کے باوجود سعودی عرب یمن پر مسلط کردہ جنگ میں اپنے اھداف تک پھنچنے میں بری طرح ناکام رھا ہے۔

Add comment