جرمنی میں مسجدوں پر دھشتگردانہ حملوں کی سازش کا پردہ فاش ھونے کے بعد اس ملک کے مسلمانوں نے جرمن پولیس سے مزید سیکورٹی کا مطالبہ کیا ہے۔
ارنا کی رپورٹ کے مطابق جرمنی کے مسلمانوں نے پولیس سے مطالبہ کیا ہے کہ وہ اسلام دشمن انتھاپسند گروھوں سے ان کی حفاظت کے لئے مزید انتظامات کریں۔
جرمن پولیس نے کھا ہے کہ ملک کے مختلف صوبوں کی دس مسجدوں پر دائیں بازو کے ایک انتھاپسند دھشتگرد گروہ کے عناصر نے حملے کئے ہیں جرمن ذرائع ابلاغ نے بھی پولیس کے حوالے سے رپورٹ دی ہے کہ دھشتگردوں کے گھروں کی تلاشی سے پتہ چلا ہے کہ تمام دھشتگردوں کا تعلق جرمنی سے ہے اور ان کے پاس سے مشین گن اور گرینڈ سمیت مختلف قسم کے آتشیں ھتھیار ملے ہیں ۔
جرمنی کے مسلمان پہلے بھی مسجدوں ، اسلامی مراکز اور مسلمانوں کے خلاف دشمنانہ اقدامات پر اپنی تشویش کا اظھار اور سیکورٹی کے انتظامات کا مطالبہ کرتے رھے ہیں۔
یورپی ممالک میں داعش کے دھشتگردانہ حملوں کے بعد مغربی ممالک میں اسلاموفوبیا اور اسلام دشمن اقدامات کو بڑھاوا ملا ہے جس کی بنا پر مسلمانوں کو مشکلات اور خوف و ھراس کا سامنا کرنا پڑ رھا ہےمغربی حکام اور ماھرین کو اعتراف ہے کہ یورپ میں حالیہ بدامنی کی وجہ ، مغرب کی جانب سے شام و عراق میں دھشتگرد گروھوں کی بے دریغ حمایت ہے۔مغربی ممالک کو اس وقت یورپ سے تعلق رکھنے والے داعش دھشتگردوں کی واپسی کے مسئلے کا سامنا ہے۔

Add comment