رھبرانقلاب اسلامی نے پارلیمانی انتخابات میں ایرانی عوام کی بھرپور شرکت کی تعریف کرتے ھوئے دشمنوں کی سازشوں کا ڈٹ کر مقابلہ کرنے پر تاکید فرمائی ہے۔
رھبرانقلاب اسلامی آیت اللہ العظمی سید علی خامنہ ای نے اتوار کو اپنے درس خارج کے آغاز میں انتخابات کے بڑے امتحان میں ایرانی عوام کی سربلندی اور دشمنوں کی موقع پرستی و ھمہ جانبہ پروپیگنڈے کو ناکام بنانے پر ایرانی عوام کی تعریف کرتے ھوئے فرمایا کہ ملک کے مختلف ستونوں اور اداروں کو نقصان پھنچانے کی دشمن کی سازشوں کے مقابلے میں سب کو ھوشیار اور ان سازشوں کو ناکام بنانے کے لئے سبھی کو تیار رھنا چاھئے۔
رھبرانقلاب اسلامی نے انتخابات میں ایرانی عوام کو شرکت سے روکنے کی اغیارکی تشھیراتی مھم اور پروپیگنڈہ مشینریوں کے وسیع پروپیگنڈے کی جانب اشارہ کرتے ھوئے فرمایا کہ یہ منفی پروپیگنڈہ کئی ماہ قبل سے شروع ھوگیا تھا اور انتخابات کی تاریخ قریب آنے پر ان میں شدت پیدا ھوگئی اور انتخابات سے دو روز قبل تو بیماری اور کورونا وائرس کے بھانے اغیار کی پروپیگنڈہ مشینریوں اور ذرائع ابلاغ نے ایرانی عوام کو انتخابات میں شرکت سے روکنے کے لئے کوئی بھی کسر باقی نھیں رکھی۔
رھبرانقلاب اسلامی آیت اللہ العظمی سید علی خامنہ ای نے ان دشمنانہ پروپیگنڈے کے باوجود انتخابات میں عوام کی بھرپور شرکت پر خداوند متعال کا شکر اور عوام کی تعریف کرتے ھوئے فرمایا کہ خدا وندعالم کا یہ ارادہ ہے کہ وہ اس قوم کو کامیاب و سرخرو کرے۔
آپ نے فرمایا کہ ایرانی عوام سے دشمنوں کی عداوت و دشمنی صرف معیشت، ثقافت اور عوام کے دینی اور انقلابی عقائد و اقدار تک محدود نھیں ہے بلکہ وہ ایرانی عوام کے انتخابات کے بھی مخالف ہیں۔
کیونکہ دشمن نھیں چاھتے کہ دین کے نام پر اور انقلاب کی حفاظت کے لئے پولنگ اسٹیشنوں پر عوام کی شرکت ایک حقیقت میں تبدیل ھو۔
آیت اللہ العظمی سید علی خامنہ ای نے فرمایا کہ اسلامی جمھوری نظام میں انتخابات کا انعقاد دشمنوں کے اس دعوے پر خط بطلان کھینچ دیتا ہے کہ دین آزادی اور جمھوریت کا مخالف ہے۔ آپ نے فرمایا کہ اسلامی جمھوریہ ایران میں انتخابات اس بات کا منہ بولتا ثبوت ہیں کہ دین ھمہ جانبہ جمھوریت کا مظھر کامل ہے اور گذشتہ اکتالیس برسوں میں سینتیس انتخابات کا انعقاد اس بات کو ثابت کرتا ہے کہ اسلامی نظام عوامی جمھوریت کو غیر معمولی اھمیت دیتا ہے۔
رھبرانقلاب اسلامی نے سب کو سفارش کی کہ وہ دشمن کو پھچانیں اور اس کے مقابلے میں پوری طرح ھوشیار رھیں۔ آپ نے فرمایا کہ ایران کے مختلف معاملات کے خلاف دشمن کے محاذ کے ھزاروں افراد کی سرگرمیوں کے مقابلے میں ایرانی عوام کے محاذ میں دسیوں لاکھ افراد کو دشمن کے حملے کا جواب دینے، اس پر ضرب لگانے اور طرح طرح کے تشھیراتی ھتھکنڈوں کا مقابلہ نیز ایرانی عوام کے خلاف انجام پانے والے ممکنہ اقدامات کا دفاع کرنے کے لئے تیار رھنا چاھئے۔
واضح رھے کہ ایران کی گیارھویں مجلس شورائے اسلامی یا پارلیمنٹ کے انتخابات کے لئے اکیس فروری کو پورے ملک میں ووٹ ڈالے گئے جس میں بھت بڑی تعداد میں ایرانی ووٹروں نے شرکت کی۔ اسی کے ساتھ پانچویں مجلس خبرگان کےپھلے ضمنی انتخابات کے لئے پانچ صوبوں میں پولنگ ھوئی۔

Add comment