پاکستان کے صوبہ خیبر پختونخوا کے شھر شمالی وزیرستان میں سیکورٹی اھلکاروں اور دھشت گردوں کے درمیان فائرنگ کے تبادلے میں پانچ دھشت گرد ھلاک ھو گئے۔
پاکستانی فوج کے شعبہ تعلقات عامہ کے جاری کردہ بیان کے مطابق مسلح دھشت گردوں نے اتوار کے روز شمالی وزیرستان کے علاقے میران شاہ میں قائم ایک چیک پوسٹ پر اچانک حملہ کر دیا جس میں ایک فوجی اھلکار جاں بحق اور تین زخمی ھو گئے۔ فوجی اھلکاروں کے جوابی حملے میں پانچ دھشت گرد بھی ھلاک ھوئے ہیں۔
بیان میں یہ نھیں بتایا گیا کہ ھلاک ھونے والے دھشت گردوں کا تعلق کس گروپ سے ہے۔ عام طور پر پاکستان کے شمالی علاقوں میں تحریک طالبان پاکستان اور اس سے وابستہ دھشت گرد گروہ سرگرم ہیں۔
دوسری جانب پاکستانی فوج کے خفیہ ادارے آئی اس آئی نے صوبہ سندھ کے صدر مقام کراچی سے داعش کے چار خطرناک دھشت گردوں کو گرفتار کرنے کا دعوی کیا ہے۔ گرفتار ھونے والوں کے قبضے سے بھاری مقدار میں اسلحہ اور گولہ بارود بھی برآمد ھوا ہے۔ رپورٹ کے مطابق گرفتار ھونے والے دھشت گرد کراچی کے اھم تجارتی مراکز پر حملے کی منصوبہ بندی کر رھے تھے جسے ناکام بنا دیا گیا ہے۔

Add comment