اسلامی جمھوریہ ایران نے تھران کے بارے میں امریکی وزارت خارجہ کے ترجمان کے بیان کو بے بنیاد قرار دیتے ھوئے اسے مسترد کر دیا۔
ایران کی وزارت خارجہ کے ترجمان سید عباس موسوی نے تھران کے خلاف امریکہ کے بے بنیاد دعؤوں کو مسترد کرتے ھوئے کھا ہے کہ واشنگٹن کو سیاسی، قانونی اور اخلاقی کسی لحاظ سے دیگر ممالک کے بارے میں فیصلہ کرنے کا حق نھیں ہے۔
امریکی وزارت خارجہ کی نے ایران پر بعض تخریبی اقدامات کی منصوبہ بندی کرنے کے الزام عائد کیا ہے جس پر رد عمل ظاھر کرتے ھوئے سید عباس موسوی نے کھا کہ یہ الزامات من گھڑت اور بے بنیاد ہیں جن کا کبھی کوئی ثبوت پیش نھیں کیا گیا ہے اور جو لوگ اس طرح کے الزامات لگاتے ہیں انھوں نے گذشتہ ایک صدی میں کم سے کم پچپن خود مختار ممالک میں بے بنیاد الزامات کے تحت مداخلت کی ہے۔
ترجمان وزارت خارجہ نے کہا کہ دوھزار سترہ سے امریکہ کی یکطرفہ پابندیوں کے نتیجے میں دنیا کے تینتیس ممالک کے عوام پر تباہ کن اثرات مرتب ھوئے ہیں اور امریکا نے اپنی تاریخ میں دنیا پر ایک سو پینتیس بڑی جنگییں مسلط کیں اور اس کی دوسو تینتالیس سالہ تاریخ میں صرف سولہ سال ایسے گذرے ہیں جب اس نے کوئی جنگ ، قتل عام اور خونریزی نھیں کی۔
سید عباس موسوی نے دوسری عالمی جنگ کے بعد امریکا کی جانب سے دوسرے ممالک میں فوجی بغاوت کروانے ، حکومتوں کا تختہ پلٹنے اور رنگین انقلاب کرانے جیسی سازشوں اور اقدامات کی جانب اشارہ کرتے ھوئے کہا کہ امریکہ کے ذریعے دنیا بھر کے ممالک کے رھنماؤں کی جاسوسی کرانے کے اسکینڈل کہ جس میں زیادہ تر اس کے اتحادی ممالک کے ہی رھنما تھے، اس باغی حکومت کی دیگر ھولناک اور گھناؤنی حرکتیں اور کالی کرتوتیں ہیں۔
ایران کی وزارت خارجہ کے ترجمان نے امریکا کو دھشت گرد حکومت قرار دیا اور کہا کہ اس بات کے پختہ ثبوت موجود ہیں کہ امریکہ ، انیس سو ساٹھ سے اب تک مغربی ایشیا، یورپ اور لاطینی امریکہ کے ممالک میں کم سے کم آٹھ خونخوار اور وحشیانہ جرائم انجام دینے والے دھشت گرد گروھوں کی حمایت و پشتپناہی کرتا رھا ہے۔
سید عباس موسوی نے افغانستان، پاکستان، عراق، شام، لیبیا، صومالیہ اور یمن جیسے ممالک میں امریکہ کی فوجی کارروائیوں میں ھونے والے انسانی جانوں کے ضیاع کی جانب اشارہ کرتے ھوئے کہا کہ یہ کارروائیاں دھشتگردی کے خلاف نام نھاد جنگ کے نام پر انجام دی گئیں جن کا سلسلہ اب بھی جاری ہے اور ان جنگوں میں بڑی تعداد میں غیر فوجی اھداف اور افراد کو جان بوجھ کر نشانہ بنایا گیا۔
ترجمان وزارت خارجہ نے کہا کہ بھتر تو یہ ہے کہ امریکہ پہلے اپنی بدترین تاریخ اور کالے کرتوتوں کو دیکھے اور اس بات کا جائزہ لے کہ اس کے موجودہ وزیر خارجہ کتنے فخر اور ڈھٹائی سے جھوٹ کو اپنی پیشرفت کا ضامن سمجھتے ہیں ۔

Add comment