افغانستان کی اعلی قومی امن کونسل کے چیئرمین نے ملک میں جنگ بندی کے بدستور جاری رھے پر تاکید کی ہے۔
افغانستان کی اعلی قومی امن کونسل کے چیئرمین عبداللہ عبداللہ نے بدھ کے روز ایک بیان میں کہا ہے کہ عیدالفطر کے موقع پر ھونے والی جنگ بندی اس بات کا باعث بنی ہے کہ لوگ پرسکون ماحول میں اور کسی تشویش کے بغیر عید الفطر کا تھوار منائیں۔
انھوں نے کہا کہ افغانستان میں امن اور عام شھریوں کے جانی و مالی تحفظ کے لئے جنگ بندی کو مستقل جاری رکھے جانے کی ضرورت ہے۔
عبداللہ عبداللہ نے حکومت کی جانب سے طالبان قیدیوں کی رھائی کا بھی خیرمقدم کرتے ھوئے اس اقدام کو ملک میں قیام امن کے لئے ایک مثبت قدم قرار دیا اور طالبان کی جانب سے بھی سرکاری قیدیوں کو رھا کئے جانے کی ضرورت پر زور دیا۔
عبد اللہ عبد اللہ ایسے حالات میں جنگ بندی کی مدت میں توسیع کی بات کر رھے ہیں کہ طالبان کے سیاسی دفتر کے ترجمان سھیل شاھین نے منگل کی رات جنگ بندی کی مدت میں توسیع اور امن مذاکرات کے لئے حکومت کی اپیل کو مسترد کرتے ھوئے کہا ہے کہ تین روزہ جنگ بندی کا اعلان صرف عید الفطر کی مناسبت سے کیا گیا تھا۔

Add comment