رھبر انقلاب اسلامی آیت اللہ العظمی سید علی خامنہ ای کے پیغام سے بدھ کو اسلامی جمھوریہ ایران کی گیارھویں پارلیمنٹ کا افتتاح ھو گیا۔
گیارھویں پارلیمنٹ کا افتتاح رھبر انقلاب اسلامی آیت اللہ العظمی سید علی خامنہ ای کے پیغام سے ھوا جسے اپنے مقام پر سن رسیدہ سربراھی کمیٹی کے اراکین کی تعیناتی کے بعد پڑھ کر سنایا گیا۔ یہ پیغام رھبر انقلاب اسلامی کے دفتر کے سربراہ حجت الاسلام و المسلمین محمدی گلپائیگانی نے پڑھ کر سنایا۔
اس موقع پر اسلامی جمھوریہ ایران کے صدر ڈاکٹر حسن روحانی اور 276 نو منتخب ارکان پارلیمنٹ کے علاوہ دیگر اعلیٰ سول اور فوجی عھدے دار بھی موجود تھے۔
رھبر انقلاب اسلامی آیت اللہ العظمی سید علی خامنہ ای نے اپنے پیغام میں تمام امور میں مجلس شورائے اسلامی کے سر فھرست ھونے کے لئے تمام ارکان کے لئے فعال، منظم، مخلص، امانتدار اور ملک کے حالات سے آگاہ و واقف ھونا ضروری قرار دیا۔
رھبر انقلاب اسلامی حضرت آیت اللہ العظمی سید علی خامنہ ای نے اپنے پیغام میں اقتصاد و معیشت اور ثقافت کو ملک کی ترجیحات میں سر فھرست قرار دیا۔
آپ نے تمام اراکین پارلیمنٹ کو غریب طبقے کی معیشت کو فوقیت دینے، روزگار اور پیداوار نیز افراط زر جیسے معاشی مسائل کے طریقوں کی اصلاح، نگرانی کے فرائض کی انجام دھی میں تقوی و پرھیزگاری اور عدل و انصاف کی پابندی، اھم حادثات و واقعات میں انقلابی موقف اپنانے اور عدلیہ و انتظامیہ کے ساتھ برادارانہ تعاون و مفاھمت کی نصیحت فرمائی۔
آپ نے تمام امور میں پارلیمنٹ کے سرفھرست ھونے اور اس کی بالادستی کے بارے میں امام خمینی (رح) کی تعبیر کو مجلس شورائے اسلامی کی شان و منزلت اور اس کے فرائض کے لئے جامع ترین تعبیر قرار دیا اور فرمایا کہ ملکی آئین کے معینہ مقاصد کے حصول اور ترقی و پیشرفت اور کامیابیوں کی بلند و بالا چوٹیاں سر کرنے کے لئے اگر قانون کو ملک کی اصل راہ و روش قرار دیا جائے تو پارلیمنٹ ھی اس حیات بخش راستے کا فرض شناس ادارہ ہے۔
رھبر انقلاب اسلامی نے فرمایا کہ اگر قانون درست ھو، اس پر عمل کیا جائے اور اس قانون پر عمل درآمد کی ضمانت کی صحیح ضمانت بھی موجود ھو تو ملک خود بخود اعلی و ارفع مقاصد اور ترقی کی راہ پر گامزن ھو جائے گا۔
نئی پارلیمنٹ کی افتتاحی تقریب سے صدر مملکت ڈاکٹر حسن روحانی نے بھی خطاب کیا۔
صدر روحانی نے اپنے خطاب میں کہا کہ دشمن نے ملک میں مشکلات پیدا کرنے کے لئے سازشیں رچیں مگر ایرانی عوامی کی حمایت کے طفیل میں اس کے تمام منصوبے ناکام ھو گئے۔
انھوں نے کہا کہ ایرانی عوام نے دشمنوں کی جانب سے منفی و زھریلے پروپیگنڈے اور نفسیاتی و اقتصادی مشکلات کے مقابلے میں استقامت کا مظاھرہ کیا اور ملک میں بحران پیدا کرنے اور نظام حکومت کو نقصان پھنچانے والی دشمن کی سازشوں کو ناکام بنا دیا۔
صدر مملکت نے کہا کہ پارلیمنٹ ھی دنیا میں جمھوریت اور ڈیموکریسی کا اھم ترین نمونہ ہے اور ایران کی مجلس شورائے اسلامی، دنیا میں اسلامی جمھوریت اور دینی عوامی حاکمیت کا مظھر ہے۔
صدر ایران نے حفظان صحت، علاج و معالجے، دفاع، سائنس و ٹیکنالوجی، زراعت اور الیکٹرانک شعبوں میں حکومت کی کارکردگی اور اسے حاصل ھونے والی کامیابیوں کو اھم قرار دیا۔
انھوں نے کہا کہ ایران کے حکام اور عوام نے ایک ساتھ مل کر کورونا، اور امریکہ کی اقتصادی و طبی دھشت گردی کا ڈٹ کر مقابلہ کیا اور ان تمام شعبوں میں اھم ترین کامیابیاں بھی حاصل کیں۔
صدر مملکت نے تاکید کے ساتھ کہا کہ حکومت اور پارلیمنٹ، اپنے باھمی تعاون اور ایک دوسرے کی حوصلہ افزائی سے ایران کے خلاف عائد شدہ پابندیوں، امریکی اشتعال انگیزیوں اور کورونا جیسے وبائی مرض کا بھرپور توانائی سے مقابلہ کر سکتی ہیں۔
ایران کے صدر ڈاکٹر حسن روحانی کی تقریر کے بعد ارکان پارلیمنٹ کی تقریب حلف برداری بھی منعقد ھوئی۔
قابل ذکر ہے کہ ایران کے دو سو آٹھ انتخابی حلقوں میں دو سو نوے اراکین پارلیمنٹ کے انتخاب کے لئے یکم فروری کو حق رائے دھی رکھنے والے دو کروڑ پینتالیس لاکھ سے زائد ایرانی عوام نے عام انتخابات میں حصہ لیا۔

Add comment