اسلامی جمھوریہ ایران کے اسپیکر نے اسلامی انقلاب کو دنیا کے سرمایہ دارانہ نظام کا مقابلہ کرنے کا بھترین نمونہ قرار دیا۔
اسلامی جمھوریہ ایران کے نئے اسپیکر محمد باقر قالیباف نے اتوارکو پارلیمنٹ کے اجلاس میں اپنی پہلی تقریر میں اسلامی نظام میں پارلیمنٹ کے اھم کردار کا ذکر کرتے ھوئے کہا کہ پارلیمنٹ اسلامی انقلاب کی امنگوں کے بارے میں کسی بھی غفلت کو قبول نھیں کرتی اور غیر ملکی دشمن خاص طور پر امریکہ اور صھیونی ریاست کے ساتھ مقابلے کو اپنے بنیادی اصولوں میں سے ایک سمجھتی ہے۔
ایران کی پارلیمنٹ کے اسپیکر نے پارلیمنٹ کے کھلے اجلاس سے خطاب کرتے ھوئے کہا کہ اسلامی جمھوری نظام کے خلاف مضبوط ترین صحافتی، اقتصادی، سیاسی اور اطلاعاتی وسائل و ھتھکنڈوں سے تسلط پسند نظام کی بڑے پیمانے پر یلغار اور دشمنی کی شدت پر ایک نگاہ ڈالنے سے بخوبی واضح ھو جاتا ہے کہ آج اسلامی انقلاب، عالمی سرمایہ دارانہ نظام کا اھم ترین حریف اور آئیڈیل ہے۔
محمد باقر قالیباف نے کہا کہ ایرانی پارلیمنٹ شھید سلیمانی کی راہ کو جاری رکھنے کے لئے پرعزم ہے اور فلسطینی عوام ، لبنان کی حزب اللہ ، مزاحمتی گروھوں ، حماس ، اسلامی جھاد اور یمن کے مظلوم عوام کی حمایت کے ساتھ ساتھ عراقی حکومت اور قوم کے شانہ بہ شانہ کھڑی ہے۔
ایران کے اسپیکر نے پارلیمنٹ کی خارجہ پالیسی کی حکمت عملی کا ذکر کرتے ھوئے کہا کہ گیارھویں پارلیمنٹ سامراج کے ساتھ مقابلے کو اھم سمجھتی ہے اور امریکہ جو عالمی سامراج کا محور ہے اس کے ساتھ مذاکرات اور سمجھوتے کو بیھودہ اور نقصان دہ سمجھتی ہے۔
انھوں نے مزید کہا کہ دھشت گرد امریکہ سے نمٹنے کے لئے ھماری حکمت عملی شھید سلیمانی کے خون کا بدلہ لینے کا سلسلہ مکمل کرنا ہے۔ وہ کام جو عین الاسد کے اڈے پر حملے کے ساتھ شروع ھوا اور خطے سے امریکی دھشت گردوں کے انخلا کے ساتھ خاتمہ کیا جائے گا۔

Add comment