صدر روحانی نے دنیا کے بعض پیشرفتہ ممالک کی معیشت پر پڑنے والے کورونا کے اثرات کا موازنہ کرتے ھوئے کہا ہے کہ پچھلے سو دنوں میں ایران کے میڈیکل اسٹاف اور قوم کی زبردست کارکردگی تاریخ میں امر ھو جائے گی۔
ڈاکٹرحسن روحانی نے اتوار کے روز کابینہ کے اجلاس میں، ملک میں کورونا وائرس میں مبتلا ھونے والے افراد کی تعداد کی طرف اشارہ کرتے ھوئے کہا کہ اس بیماری میں مبتلا ھونے والے افراد کی تعداد، ھلاک ھونے والے افراد اور اسی طرح علاج کے بعد ٹھیک ھو جانے والے افراد کی تعداد، ایرانی قوم اور میڈیکل اسٹاف کی زبردستی کارکردگي کی غمازی کرتی ہے۔
انھوں نے ایران کے بھت سے صوبوں میں کورونا وائرس کو کنٹرول کر لیے جانے کی طرف اشارہ کرتے ھوئے کہا کہ جب تک عوام کو اس بیماری کی جانب سے مکمل اطمینان حاصل نھیں ھو جاتا، تب تک یہ عمل جاری رھے گا۔
اسلامی جمھوریہ ایران کے صدر نے اسی طرح دشمنوں کی غیر قانونی پابندیوں کے باوجود ایران کی تیز رفتار ترقی کے اعداد و شمار پیش کرتے ھوئے کہا کہ رواں سال میں ملک میں تین ھزار چار سو آبادیاتی منصوبوں کا افتتاح ھو جائے گا۔
صدر روحانی نے بانئ انقلاب اسلامی امام خمینی رحمۃ اللہ علیہ کی برسی کے قریب آنے کی جانب اشارہ کرتے ھوئے کہا کہ ایران کی قوم اورحکومت نے قائد انقلاب اسلامی آيۃ اللہ العظمی سید علی خامنہ ای حفظ اللہ کی ھدایات کی روشنی میں مختلف طرح کی سازشوں کا ڈٹ کر مقابلہ کیا ہے۔

Add comment