امریکی وزارت جنگ پینٹاگون کے حکام نے مظاھرین کے خلاف طاقت کے استعمال اور فوج کی مدد حاصل کرنے پر مبنی امریکی صدر ٹرمپ کی دھمکیوں پر تشویش ظاھرکی ہے.
ایک ایسے وقت جب امریکہ میں سفید فام پولیس افسر کے ہاتھوں سیاہ فام شھری کے وحشیانہ قتل اور ٹرمپ کی دھمکیوں کے خلاف پورے ملک میں امریکی شھری سڑکوں پر اترے ھوئے ہیں, امریکی وزارت جنگ پینٹاگون نے ٹرمپ کی جانب سے مظاھرین کو کچلنے کے لئے فوج کا سھارا لینے کی دھمکی پر تشویش ظاھر کی ہے۔
امریکہ میں سیاہ فام شھری جارج فلوئڈ کے وحشیانہ قتل کے خلاف گذشتہ آٹھ روز سے مظاھرے ھو رھے ہیں۔ سی این این کی رپورٹ کے مطابق پینٹاگون کے حکام نے اعلان کیا ہے کہ امریکی شھروں میں فوج تعینات کرنے کے بارے میں صدر ٹرمپ کے فیصلے سے پہلے بھی پینٹاگون کے بعض حکام کے درمیان اس فیصلے پر گہرا اختلاف اور ناراضگی پائی جاتی رھی ہے۔
امریکی وزیر جنگ مارک اسپر نے بھی نیشنل گارڈ سے فیڈرل پولیس اور مقامی فورسز کی مدد کے لئے مزید جوان تعینات کرنے کی درخواست کی ہے۔ امریکہ کے نیشنل گارڈ کے بعض جوان شھری نظم و نسق قائم کرنے کی ذمہ داری سونپے جانے سے ناراض ہیں۔ ایک ایسے وقت جب سیکورٹی اھلکاروں نے مظاھرین کو وائٹ ھاؤس کے اطراف سے منتشر کرنے کے لئے آنسو گیس کے گولے فائر کئے تھے، ٹرمپ نے اعلان کیا ہے کہ اگر ریاستی و شھری حکام عوام کی جان و مال کی حفاظت کے لئے لازمی اقدامات انجام نھیں دیں گے تو قانون انھیں شھر میں امن و امان برقرار کرنے کے لئے فوج تعینات کرنے کی اجازت دیتا ہے۔
سفید فام پولیس افسر کے ہاتھوں سیاہ فام شھری کے قتل اور امریکہ میں نسل پرستی کے خلاف جاری مظاھروں کے شرکاء کے ساتھ چوسٹھ فیصد امریکی بزرگ اور سن رسیدہ افراد نے ھمدردی کا اظھار کیا ہے۔
فرانس کے ٹی وی چینل چوبیس کے مطابق روئٹر ایبسوس کے سروے کے مطابق اکثر امریکیوں کی ھمدردیاں نسل پرستی و ناانصافی کے خلاف مظاھرہ کرنے والوں کے ساتھ ہیں۔ سروے رپورٹ کے مطابق پچپن فیصد سے زیادہ امریکیوں نے مظاھرین کے ساتھ امریکی صدر ٹرمپ کے رویّے کی مخالفت کی ہے۔ مظاھرین کے خلاف پولیس اور سیکورٹی اھلکاروں کے تشدد آمیز رویّے کے باوجود پورے امریکہ میں نسلی امتیاز اور ناانصافی کے خلاف پرزور مظاھرے جاری ہیں اور سیکورٹی اھلکاروں کی بربریت کے نتیجے میں اب تک کم سے کم تیرہ افراد ھلاک ھو چکے ہیں جبکہ ھزاروں مظاھرین کو گرفتار کر لیا گیا ہے۔

Add comment