افغانستان کے دار الحکومت کابل کی ایک جامع مسجد کے امام جو دھشتگردانہ حملے کے نتیجے میں زخمی ھوگئے تھے زخموں کی تاب نہ کر چل بسے۔
آوا نیوز ایجنسی نے افغانستان کی وزارت داخلہ کے ترجمان کے حوالے سے خبر دی ہے کہ کابل کے وزیر اکبر خان علاقے کی جامع مسجد کے امام مولوی محمد ایاز نیازی جو منگل کی رات مسجد میں ھونے والے دھشتگردانہ دھماکے میں زخمی ھوگئے تھے، زخموں کی تاب نہ لاتے ھوئے اسپتال میں انتقال کر گئے۔ مولوی ایاز نیازی طالبان کی پالیسیوں اور اقدامات پر سخت تنقید کرتے رھتے تھے۔
اس دھشتگردانہ دھماکے میں ایک نمازی کو بھی اپنی جان سے ہاتھ دھونا پڑا ہے جبکہ دو نمازی زخمی ہیں۔
افغانستان کے ایوان صدر کے ترجمان صدیق صدیقی نے وزیر اکبر خان کے علاقے کی جامع مسجد پر ھونے والے حملے کو وحشیانہ اور غیرانسانی قرار دیتے ھوئے اس کی مذمت کی ہے۔
ابھی تک کسی شخص یا گروہ نے اس دھشتگردانہ حملے کی ذمہ داری قبول نھیں کی ہے۔
اسلامی جمھوریہ ایران کی وزارت خارجہ کے ترجمان سید عباس موسوی نے افغانستان کے دارالحکومت کابل کی وزیر اکبر خان مسجد میں ھونے والے دھشتگردانہ حملے کی مذمت کرتے ھوئے جاں بحق ھونے والے افراد کے اھل خانہ، حکومت اور عوام کو تعزیت پیش کی ۔

Add comment