رھبرمعظم انقلاب اسلامی نے فرمایا کہ حضرت امام خمینی (رح) بہت سی خوبیوں اور خصوصیات کے حامل تھے تاھم ان میں سے ایک ان کی انقلابی فکراور بیداری پیدا کرنے کی سوچ تھی، انھوں نے صرف انقلاب اسلامی کے موقع پر تبدیلیاں پیدا نھیں کیں بلکہ ایام نوجوانی سے ھی حضرت امام خمینی (رح) تبدیلیوں اور بیداری پیدا کرنے کےدرپے تھے۔
رھبرمعظم انقلاب اسلامی نے حضرت امام خمینی (رح) کے اندر تبدیلی کے جذبہ کی طرف اشارہ کرتے ھوئے فرمایا، حضرت امام خمینی (رح) کے اندر تبدیلی کا جذبہ اسلامی تحریک کے آغاز سے شروع نھیں ھوا بلکہ ان کے اندر یہ جذبہ پہلے سے موجود تھا۔
حضرت آیت اللہ العظمی سید علی خامنہ ای نے فرمایا حضرت امام خمینی (رح) نے گفتار سے نھیں بلکہ اپنے عمل سے بیداری پیدا کی۔
رھبر انقلاب اسلامی آیت اللہ العظمی سید علی خامنہ ای نے فرمایا ہے کہ امام خمینی (رح) نے بڑی طاقتوں کے ارادوں کو شکست دی اور انھیں پوری طرح رسوا کیا اور آج امریکی عوام اپنی حکومت کے اقدامات اور نا اھلی کی بنا پر دنیا کے سامنے شرمندگی کا احساس کر رھے ہیں۔
آپ نے اپنے خطاب میں دنیا کی بڑی طاقتوں کے بارے میں عام نظریہ اور سوچ پر خط بطلان کھینچ دینے کو امام خمینی(رح) کا ایک بڑا اقدام قرار دیا اور فرمایا کہ اُس دور میں کوئی بھی یہ نھیں سوچ سکتا تھا کہ امریکا کی مرضی اور ارادے کے بغیر کچھ کر پانا ممکن ہے لیکن امام خمینی(رح) نے وہ کام کیا کہ خود امریکی صدور کو کھنا پڑا کہ خمینی نے ھمیں ذلیل و رسوا کر دیا۔
رھبر انقلاب اسلامی نے اپنے خطاب میں اسلامی جمھوریہ ایران کے بانی کو انتھائی شاندار اور جذباتی انداز میں خراج عقیدت پیش کرتے ھوئے کہا کہ امام خمینی اپنی ظاھری رحلت کے برسوں بعد بھی ھمارے درمیان زندہ ہیں اور انھیں ھمارے درمیان زندہ رھنا بھی چاھئے اور ھم آج بھی ان کی معنوی و فکری موجودگی اور ان کی انگلیوں کے اشاروں سے فیضیاب ھو رھے ہیں۔
رھبر انقلاب اسلامی نے فرمایا کہ امام خمینی بے شمار خصوصیات اور مختلف پہلوؤں کے حامل تھے لیکن ان کی ایک اھم خصوصیت یہ تھی کہ وہ ترقی پسند تھے اور معاشرے میں انقلاب اور تبدیلی لانے کا ھنر وہ اچھی طرح جانتے تھے۔
آپ نے فرمایا کہ امام خمینی نے ایرانی عوام میں حقیقی معنوں میں ترقی و پیشرفت کا شعور جگایا اور وہ ایرانی معاشرے میں واضح تبدیلی لے کر آئے، ساتھ ہی انھوں نے ایرانی عوام کے اندر پائے جانے والے احساس حقارت و کمتری کو خود اعتمادی اور عزت نفس کے احساس میں تبدیل کیا-
آیت اللہ خامنہ ای نے فرمایا کہ ایرانی عوام کو اسلامی انقلاب کی تحریک سے پہلے اپنے ھی بنیادی اور سماجی مسائل سے کوئی سر و کار نھیں ھوتا تھا اور وہ صرف اپنے ذاتی معاملات تک ھی محدود تھے لیکن اھم اور عظیم مطالبے کے میدان میں اترنے کا سلیقہ ایرانی عوام کو امام خمینی نے ھی سکھایا اور دبی ھوئی اور سر تسلیم خم کر چکی ایرانی قوم کو بانی انقلاب نے ایک ایسی قوم میں تبدیل کر دیا جو اپنے مطالبے اور حق کے لئے پوری قوت کے ساتھ میدان میں اتر آئی-
رھبر انقلاب نے فرمایا کہ اگر ایرانی عوام کے کچھ افراد اور گروہ انقلاب سے قبل حکومت سے کوئی مطالبہ کرتے بھی تو بس ایک گلی یا سڑک کی مرمت تک ھی یہ مطالبہ محدود ھوتا، لیکن امام خمینی نے ایرانی عوام کے مطالبے کو خود مختاری، آزادی اور نہ شرقی نہ غربی کے مطالبے تک ترقی دی اور اسے عروج بخشا۔
آپ نے ایرانی عوام، اسلامی انقلاب اور اسلامی جمھوری نظام سے بڑی طاقتوں کی دشمنیوں کا ذکر کرتے ھوئے فرمایا کہ ھمیں بیرونی دشمنوں سے ذرہ برابر بھی غافل نھیں رھنا چاھئے کیونکہ دشمن کا محاذ وسیع ہے جو ایران کے اندر ھر اس اقدام کو ناکام بنانے کی کوشش کرتا ہے جو ملک اور قوم کے مفاد میں انجام پاتا ہے اور صھیونیوں سے وابستہ میڈیا اس پر سوالیہ نشان لگانے کے درپے رھتا ہے-
آیت اللہ العظمی سید علی خامنہ ای نے ان دنوں امریکا کی آشفتہ صورتحال اور پورے امریکا میں نسل پرستی کے خلاف ھونے والے مظاھروں کی جانب بھی اشارہ کیا۔ آپ نے فرمایا کہ ‏آج جو کچھ امریکا کے شھروں اور مختلف ریاستوں میں دیکھنے کو مل رھا ہے وہ کوئی نئی باتیں نھیں ہیں بلکہ ایسی حقیقتیں ہیں جو ابھی تک چھپی ھوئی تھیں اور اب کھل کر سامنے آ رھی ہیں ۔
آپ نے فرمایا، یہ کہ ایک امریکی پولیس ایک سیاہ فام شھری کی گردن کو اپنے گھنٹنے سے اتنی دیر تک دبائے رکھتا ہے کہ اس کا دم نکل جائے، کوئی نیا واقعہ نھیں ہے، یہ امریکا کی سرشت اور فطرت میں ہے اور امریکا یہ کام عراق، افغانستان اور شام جیسے بہت سے دیگر ملکوں میں بھی کرتا رھا ہے-
قائد انقلاب نے فرمایا کہ امریکا میں عوام جو یہ نعرہ لگا رھے ہیں کہ؛ ھمیں سانس لینے دو؛ یہ ان سبھی قوموں کے دل کی بات ہے جھاں جھاں امریکا نے جاکر ان پر مظالم ڈھائے ہیں۔
آیت اللہ خامنہ ای نے فرمایا کہ خداوندعالم نے ایسا انتظام کیا کہ امریکی حکام اپنی ہی حرکتوں اور اقدامات سے خود رسوا ھو گئے اور کورونا کی روک تھام میں ان کی نا اھلی نے بھی انھیں ذلیل کیا ہے۔
رھبر انقلاب نے فرمایا کہ آج امریکی عوام اپنی حکومتوں کی وجہ سے پوری دنیا کے سامنے شرمندہ اور خجل ہیں-
خطاب کے اختتام پر رھبرانقلاب اسلامی نے امام خمینی رحمۃ اللہ علیہ اور سبھی شھدائے والا مقام منجملہ شھید جنرل قاسم سلیمانی کی ارواح طاھرہ کی بلندی درجات کی دعا کی۔

Add comment