اسلامی جمھوریہ ایران کے اسپیکر اور قومی سلامتی کونسل کے سیکریٹری سمیت مختلف عھدے داروں نے امریکی صدر کے ٹوئیٹ پر رد عمل ظاھر کرتے ھوئے امریکہ کے ساتھ مذاکرات کے امکان کو مسترد کر دیا ہے۔
ایران کی پارلیمنٹ کے اسپیکر محمد باقر قالیباف نے بھی اپنے ایک ٹوئٹ میں امریکہ کے تخریبی اقدامات کے سامنے ڈٹ جانے کی ضرورت پر زور دیا ہے۔
ایران کی اعلی قومی سلامتی کونسل کے سیکریٹری علی شمخانی نے جمعے کو ٹوئٹ کیا تھا کہ امریکی صدر ڈونالڈ ٹرمپ کی پوزیشن اور کارکردگی چاھے وہ بین الاقوامی مسائل کے سلسلے میں ھو یا کورونا کی روک تھام کے معاملے میں یا امریکہ کے اندر نسل پرستی کی آگ بھڑکانے کے بارے میں ھو، اس قدر خراب ہے کہ ان کی ٹیم کے پاس جعلی کامیابیاں گڑھنے اور ان کا پروپیگنڈہ کرنے کے سوا کوئی چارہ نھیں رہ گیا ہے۔
ایران کی تشخیص مصلحت نظام کونسل کے سیکریٹری نے تھران کے ساتھ سمجھوتے کے لئے ڈونالڈ ٹرمپ کی پیشکش پر ردعمل ظاھر کرتے ھوئے تاکید کے ساتھ کہا ہے کہ امریکہ کے ساتھ مذاکرات زھر ہے۔
امریکہ کے ساتھ ایران کے مذاکرات کے مطالبات کا جواب رھبر انقلاب اسلامی مختلف مناسبتوں سے اپنے خطابات میں دیتے رھے ہیں ۔
رھبر انقلاب اسلامی آیت اللہ العظمی خامنہ ای نے امریکہ کے ساتھ مذاکرات کے سلسلے میں دوھزار انیس میں دینی مدارس کے نئے تعلیمی سال کے آغاز کے موقع پر اپنے درس خارج میں فرمایا تھا کہ امریکی حکومت کی پالیسی مختلف قسم کی پابندیوں کی شکل میں ایران پر زیادہ سے زیادہ دباؤ ڈالنے ، طرح طرح کی دھمکیاں دینے اور ھرزہ سرائی پر مشتمل ہے۔
آپ نے فرمایا تھا کہ اسی بنا پر صدر مملکت سے لے کر وزیر خارجہ تک ایران کے تمام حکام نے ایک آواز ھو کر اعلان کیا ہے کہ ھم امریکہ سے کسی طرح کے مذاکرات نھیں کریں گے، نہ ھی دو فریقی اور نہ ھی چند فریقی۔
ایران کے ساتھ مذاکرات اور سمجھوتے کے لئے امریکی صدر کی پیشکش کے جواب میں وزیر خارجہ جواد ظریف کا ٹوئیٹ بھی ، اسی نکتے کی یاد دھانی کراتا ہے۔
خیال رھے کہ امریکی صدر ڈونالڈ ٹرمپ نے اپنے ٹوئیٹر پیج پر ایران میں امریکی قیدی مائکل وائٹ کو رھا کئے جانے پر ایرانی حکام کا شکریہ ادا کیا تھا اور ایرانی حکام کو مخاطب کرتے ھوئے کہا تھا کہ ایک بڑے سمجھوتے کے لئے امریکہ کے انتخابات کے بعد کا انتظار نہ کریں۔ساتھ ھی امریکی صدر نے امریکہ کے دوھزار بیس کے صدارتی انتخابات میں اپنی کامیابی کا دعوی کرتے ھوئے کہا کہ ایک بھتر سمجھوتہ ھو جائے گا۔
ایران کے وزیر خارجہ محمد جواد ظریف نے اپنے ٹوئٹر پیج پر ٹرمپ کے ٹوئٹ کا جواب دیتے ھوئے کہا تھا کہ مسٹر ٹرمپ آپ کے اھلکاروں کی کوششوں کے برخلاف ھم ایک انسان دوستانہ لین دین شروع کرچکے ہیں جبکہ آپ کے برسراقتدار آنے کے وقت ھمارے درمیان ایک سمجھوتہ موجود تھا۔
وزیر خارجہ نے تاکید کی تھی کہ ایران اور ایٹمی سمجھوتے کے دوسرے فریقوں نے مذاکرات کی میز کو ھرگز ترک نھیں کیا ہے۔
ایران کے وزیر خارجہ نے امریکی صدر ٹرمپ کو مخاطب کرتے ھوئے کہا کہ آپ کے مشیروں نے جن میں سے اکثر کو آپ برطرف کر چکے ہیں، ایک احمقانہ جوا کھیلا تھا اور آپ کب اس مسئلے کی اصلاح کرنے کا فیصلہ کریں گے اس کا تعلق خود آپ سے ہے۔

Add comment