تھران کے پراسیکیوٹر نے کہا ہے کہ شھید جنرل قاسم سلیمانی کے قتل میں ملوث 36 افراد کی گرفتاری کا حکم جاری کیا گیا ہے۔
تھران کے پراسیکیوٹر علی القاصی مهر نے ایرانی عدلیہ کی اعلی کونسل کے اجلاس میں شھید جنرل قاسم سلیمانی کے قتل کیس سے متعلق کیے گئے اقدامات کی جانب اشارہ کرتے ہوئے کہا کہ بین الاقوامی پولیس کے ذریعے ڈونلڈ ٹرمپ سمیت 36 امریکی فوجی اور سیاسی عھدیداروں کے ساتھ ساتھ جنرل سلیمانی کے قتل میں ملوث دیگر ممالک سے تعلق رکھنے والے افراد کی گرفتاری اور ریڈ وارنٹ جاری کرنے کا حکم جاری کیا گیا ہے۔
انھوں نے ان 36 افراد کے جرم کو قتل اور دہشت گردانہ اقدامات قرار دیتے ھوئے کہا کہ اس لسٹ میں سرفھرست امریکی صدر ڈونلڈ ٹرمپ ہیں اور ان کی مدت صدارت ختم ھونے کے بعد بھی ان کے خلاف قانونی چارہ جوئی کی جائے گی۔
یہ بات قابل ذکر ہے کہ 3 جنوری کو عراق کے دارالحکومت بغداد ائیرپورٹ پر امریکہ کی جانب سے راکٹ حملے کیے گئے جس کے نتیجے میں سپاہ پاسداران انقلاب اسلامی کے قدس بریگیڈ کے کمانڈر جنرل قاسم سلیمانی عراق کی عوامی رضاکار فورس الحشد الشعبی کے ڈپٹی کمانڈر ابومہدی المھندس اور چند دیگر شھید ھوگئے۔

Add comment