صومالیہ کے دارالحکومت موغادیشو میں ھونے والے ایک کار بم دھماکے میں دسیوں افراد ھلاک و زخمی ھو گئے۔
فرانس پریس کی رپورٹ کے مطابق صومالیہ کے سیکورٹی حکام نے اتوار کو اعلان کیا ہے کہ موغادیشو میں ھونے والے ایک کار بم دھماکے میں کم از کم چودہ افراد ھلاک اور تیس سے زائد دیگر زخمی ھو گئے۔
ان حکام کے مطابق موغادیشو میں یہ کار بم دھاکہ، ایک پرھجوم علاقے میں ایسی حالت میں ھوا ہے کہ سیکورٹی اھلکار اس شھر میں سیکورٹی کے انتظامات بڑھانے کی کوشش کر رھے تھے۔
ابھی تک کسی نے اس کار بم دھماکے کی ذمہ داری قبول نھیں کی ہے۔
واضح رھے کہ الشباب دھشت گرد گروہ کے خلاف صومالیہ کی فوج کو افریقی یونین کی امن فوج کی حمایت حاصل ہے۔
الشباب دھشت گرد گروہ کو، جو کئی سالوں سے صومالیہ کی حکومت کے خلاف برسرپیکار ہے، صومالیہ کی فوج اور افریقی یونین کی امن فوج نے اگست دو ھزار گیارہ میں دارالحکومت موغادیشو سے نکال باھر کر دیا تھا۔

Add comment