جنوبی یمن پر سعودی عرب کی فضائی بمباری میں عورتوں اور بچوں سمیت متعدد یمنی شھری شھید اور زخمی ھوئے ہیں۔
یمنی ذرائع کے مطابق سعودی حکومت کے لڑاکا طیاروں نے جمعرات کی صبح ایک بار پھر جنوبی صوبے تعز کے رھائشی علاقوں پر بمباری کی اور نھتے شھریوں کو اپنی جارحیت کا نشانہ بنایا ہے۔ اس حملے میں ایک ھی خاندان کے چھے افراد شھید ھوگئے جن میں چار کم سن بچے بھی شامل ہیں۔
سعودی عرب کے لڑاکا طیاروں نے صوبہ حدیدہ اور تعز کو ملانے والے ایک پل کو بھی اس وقت بمباری کا نشانہ بنایا جب یمنی عوام کے لیے ایندھن اور خوراک لے جانے والے چند ٹرک وھاں سے گزر رھے تھے۔ اس حملے میں ایک ٹرک ڈرائیور شھید اور متعدد زخمی ھوئے ہیں۔
ایک اور اطلاع کے مطابق صوبہ صعدہ کے علاقے الزور میں سعودی عرب کے لڑاکا طیاروں نے عام شھریوں کو لے جانے والی ایک گاڑی کو نشانہ بنایا جس کے نتیجے میں، ایک بچہ شھید اور نو افراد زخمی ھوگئے۔
سعودی عرب کی وحشیانہ جارحیت کے جواب میں یمنی فوج اور عوامی رضاکار فورس کے جوانوں نے جنوبی سعودی عرب کے علاقے نجران میں واقع رجلا نامی فوجی اڈے کو زلزال دو میزائل سے نشانہ بنایا ہے۔
یمنی فوج اور عوامی رضاکار فورس کے جوانوں نے جازان کے علاقے میں واقع ام القطب اور الکرس نامی سعودی فوجی اڈوں پر حملے کیے ہیں۔
صعنا میں عسکری ذرائع نے بتایا ہے کہ یمنی فوج اور عوامی رضاکار فورس کے جوان، سعودی اتحاد کے کرائے کے فوجیوں کے ساتھ شدید لڑائی کے بعد بحیرہ احمر کے کنارے واقع ساحلی شھری المخا کے قریب پھنچ گئے ہیں۔
اس پیشرفت کو سعودی عرب اور اس کے اتحادیوں کی بڑی شکست قرار دیا جارھا ہے۔
اس سے پھلے بدھ کے روز یمنی فوج اور عوامی رضاکار فورس کے جوانوں نے آبنائے باب المندب کے قریب ایک فوجی علاقے کو میزائل حملے کا نشانہ بنایا تھا جس کے نتیجے میں سعودی اتحاد کا ایک فوجی کمانڈر میجر جنرل احمد سیف الیافی اپنے متعدد ساتھیوں سمیت ھلاک ھوگیا ہے۔
دوسری جانب اقوام متحدہ کے انسانی امداد کے کوآرڈی نیٹر نے یمن میں انسانی صورتحال کو انتھائی ابتر قرار دیتے ھوئے سعودی عرب کو اس کا اصل ذمہ دار قرار دیا ہے۔
جیمی مک گولڈرک نے بدھ کے روز صنعا میں صحافیوں سے بات چیت کرتے ھوئے کھا کہ سعودی عرب جارحیت اور محاصرے کی وجہ سے سات ملین سے زیادہ یمنی شھری اپنی غذائی ضروریات پوری کرنے سے قابل نھیں ہیں۔
سعودی عرب نے مارچ دوھزار پندرہ سے امریکہ اور بعض عرب ملکوں کے ساتھ مل کر مشرق وسطی کے غریب اسلامی ملک یمن کو جارحیت کا نشانہ بنا رکھا ہے جس کے نتیجے میں گیارہ ھزار سے زائد یمنی شھری شھید اور ھزاروں زخمی ھوئے ہیں۔
سعودی عرب یمن میں اپنی کٹھ پتلی حکومت کو اقتدار میں لانے کی غرض سے یمنی عوام کو جارحیت کا نشانہ بنا رھا ہے اور اس ملک بنیادی تنصیبات کو تباہ کردیا گیا ہے۔

Add comment