فرانسیسی پارلیمنٹ اور سینیٹ کے ایک سو چالیس ارکان نے، فلسطینی ریاست کو تسلیم کرنے کا مطالبہ کیا ہے۔
صدر فرانسوا اولینڈ کے نام اپنے مشترکہ خط میں مذکورہ ارکان پارلیمان نے مطالبہ کیا ہے کہ، آزاد فلسطینی ریاست کو تسلیم کرلیا جائے ۔
خط میں کھا گیا ہے کہ حق خود ارادیت کے ناقابل انکار اصول کی بنیاد پر فرانس باضابطہ طور پر اعلان کرے کہ فلسطینی عوام کو ایک مملکت کے قیام کا حق حاصل ہے۔
فرانسیسی پارلیمنٹ اور سینیٹ کے کے ارکان کے مشترکہ خط کے مطابق، فلسطینی ریاست کو تسلیم کرنا عالمی قوانین اور ضابطوں کے عین مطابق ہے۔
اس خط پر دستخط کرنے والوں میں، فرانس کی دائیں اور بائیں بازو کی جماعتوں کے بعض اھم رھنماؤں کے نام بھی شامل ہیں جن میں سوشلسٹ پارٹی کے رکن پارلیمنٹ گیلبریٹ روژے ، کمیونسٹ پارٹی کی میری جارج بوفے، اور پیئر لوران کا نام لیا جاسکتا ہے۔
قابل ذکر ہے کہ ستمبر دوھزار تیرہ کے بعد سے اقوام متحدہ کے ایک سو ترانوے ارکان میں سے ایک سو چونتیس رکن ملکوں نے آزاد فلسطینی ریاست کو باضابطہ طور پر تسلیم کرلیا ہے۔

Add comment