پاکستان کے علاقے ڈیرہ اسماعیل خان میں تکفیری دھشتگردوں کی فائرنگ کے نتیجے میں تین شیعہ مسلمان شھید ھو گئے۔
پاکستان کی سیاسی اور مذھبی جماعتوں من جملہ مجلس وحدت مسلمین، شیعہ علما کونسل، جعفریہ الائنس، سنی اتحاد کونسل اور بلوچستان شیعہ کانفرنس نے ڈیرہ اسماعیل خان کے علاقے پروا میں تین شیعہ مسلمانوں کی تکفیری دھشتگردوں کے ھاتھوں شھادت کی مذمت کرتے ھوئے حکومت پرالزام عائد کیا ہے کہ وہ اس ملک کے شیعہ مسلمانوں کو تحفظ فراھم کرنے میں بری طرح ناکام رھی ہے۔
مجلس وحدت مسلمین کے مرکزی سیکریٹری جنرل علامہ راجہ ناصر عباس جعفری نے ڈیرہ اسماعیل خان میں ٹارگٹ کلنگ کے نتیجے میں تین افراد کی شھادت کے واقعے کی مذمت کی اوران کے قاتلوں کی فوری گرفتاری کا مطالبہ کرتے ھوئے کھا کہ ایک طرف پاکستان کی فوج کی جانب سے آپریشن ردالفساد جاری ہے اور دوسری طرف خیبر پختونخوا میں دھشتگردی کی نئی لھر شروع ھوگئی ہے جو سیکورٹی اداروں کی کارکردگی پر سوالیہ نشان ہے۔
انھوں نے کھا کہ خیبر پختونخوا کی صوبائی حکومت ٹارگٹ کلنگ کے واقعات کا فوری نوٹس لے۔ علامہ ناصرعباس جعفری نے خیبر پختونخوا حکومت سے مطالبہ کیا کہ ڈیرہ اسماعیل خان اور اس کے اطراف کے علاقوں میں پولیس اور رینجرز کی چوکیوں کو فعال کیا جائے اور کالعدم تکفیری جماعتوں، دھشتگردوں اور ان کے سھولت کاروں کے خلاف بلاتفریق آپریشن کیا جائے۔
واضح رھے کہ کل ڈیرہ اسماعیل خان کی تحصیل پروا کے گاؤں گھونسر میں موٹرسائیکل پر سوار تکفیری دھشت گردوں نے اپنی زرعی اراضی میں بیٹھے ھوئے تین شیعہ مسلمانوں پراچانک فائرنگ کردی جس میں وہ تینوں شھید ھو گئے۔
واقعے کے خلاف عوام نے زبردست احتجاجی مظاھرہ کیا اور سڑک پر تینوں شھداء کی لاشیں رکھ کر احتجاجی دھرنا دیا اور انڈس ھائی وے کو ھر قسم کی ٹریفک کے لئے بند کردیا۔
مظاھرین نے حکومت اور تکفیری دھشتگردوں کے خلاف فلک شگاف نعرے لگائے۔ انتظامیہ کی جانب سے شھداء کے قاتلوں کی جلد گرفتاری اور شھداء کے خانوادوں سے ھر ممکن تعاون کی یقین دھانی کے بعد مجلس وحدت مسلمین کے رھنما و کمیٹی ممبر سید غضنفر شاہ اور شیعہ علماء کونسل کے علامہ رمضان توقیر نے احتجاجی مظاھرین سے خطاب کرتے ھوئے دھرنا ختم کرنے کا اعلان کیا۔

Add comment