مریکی شھریوں اور جنگ مخالف گروھوں کے کارکنوں نے استقامتی محاذ کے سپہ سالارجنرل قاسم سلیمانی کو شھید کرنے کے امریکا کے دھشت گردانہ اقدام کے خلاف ملک کے ستر شھروں منجملہ واشنگٹن میں احتجاجی اجتماع کیا ہے -
امریکا کے مختلف شھروں میں ھونے والے ان اجتماعات میں شریک لوگوں نے ایران اور عراق کے خلاف امریکا کے جنگی اقدامات کی مخالفت میں نعرے لگائے اور صھیونیوں کے چنگل سے فلسطین کی آزادی کا بھی مطالبہ کیا۔
امریکا کی جنگ مخالف تنظیموں منجملہ کوڈ پنک، پیس اینڈ جسٹس الائنس ، جنگ سے پاک دنیا اور دیگر جنگ مخالف گروھوں نے امریکا کے ستر شھروں میں احتجاجی اجتماعات منعقدکرکے ٹرمپ کے جنگ پسندانہ اقدامات اور پالیسیوں کی مخالفت کی -
وائٹ ھاؤس کے باھر بھی لوگوں نے خودجوش طریقے سے مظاھرہ کرکے ٹرمپ کی جنگ پسندانہ پالیسیوں اور ایران کی سپاہ قدس کے کمانڈر جنرل قاسم سلیمانی کو شھید کرنے کے امریکی اقدام کی مذمت کی -
اسی طرح کے اجتماعات کینیڈا میں بھی ھو رھے ہیں - اور جنگ مخالف تنظیموں نے پورے کینیڈا میں ایران اور عراق کے سلسلے میں امریکا کے جنگی اقدامات کے خلاف مظاھروں کی کال دی ہے -
