سپاہ پاسداران انقلاب اسلامی قدس بریگیڈ کے کمانڈر جنرل قاسم سلیمانی اور ان کے وفادار ساتھیوں کی ایران کے شھر اھواز اور مشھد مقدس میں ھونے والی تشییع جنازہ میں لاکھوں افراد نے شرکت کی۔
مرد مجاھد اور استقامتی محاذ کے سپہ سالار جنرل قاسم سلیمانی، عراق کی عوامی رضاکار فورس الحشد الشعبی کے ڈپٹی کمانڈر اور ان کے ساتھیوں کے جلوس جنازہ میں لاکھوں کی تعداد میں سوگواروں اور اعلی سول و فوجی حکام نے شرکت کی ۔
ایران کے صوبہ خوزستان کے مرکزی شھر اھواز میں شھداء کی تشییع جنازہ کے بعد شھداء کے جسد خاکی کو مشھد مقدس میں تشییع اور حضرت امام رضا علیہ السلام کے روضہ مبارک میں طواف کے بعد تھران پھونچایا گیا جھاں رات مصلائے امام خمینی (رح) میں شھداء سے وداع جبکہ منگل کو صبح تھران میں تشییع جنازہ اور اس کے بعد قم المقدس اور کرمان میں بھی جنرل قاسم سلیمانی سمیت دیگر شھداء کی تشییع جنازہ اور تدفین کا پروگرام ہے۔
دوشنبہ کو صبح سویرے جنرل قاسم سلیمانی سمیت دیگر شھداء کی میتیں ایران کے صوبہ خوزستان کے مرکزی شھر اھواز پھنچیں۔
سنیچر کوشھید جنرل قاسم سلیمانی، عراق کی عوامی رضاکارفورس کے ڈپٹی کمانڈر ابو مھدی المھندس اور دیگر شھدا کے جنازوں کی کاظمین ، بغداد ، کربلائے معلی اور نجف اشرف میں تاریخی اور انتھائی پرشکوہ انداز میں تشییع کی گئی تھی جن میں لاکھوں عراقی شھریوں اور سوگواروں نے امریکا کے دھشت گردانہ حملے میں شھید ھونے والے کمانڈروں اور جانبازوں کے جنازوں میں شرکت کرکے شھدا کے خون سے وفاداری کا اعلان کیا۔ جلوس جنازہ میں شریک سوگواروں نے استقامتی محاذ کے کمانڈروں کو شھید کرنے کے امریکا کے دھشت گردانہ اقدام کی مذمت کی اور عراق سے دھشت گرد امریکی فوج کے فوری انخلا کا مطالبہ کیا -
جلوس جنازہ میں موجود لاکھوں سوگوار اپنے ھاتھوں میں استقامتی گروھوں اور عراق و ایران کے قومی پرچم نیز ان عظیم شھدا کی تصویریں اٹھائے ھوئے تھے اورانھوں نے امریکا، اسرائیل اور علاقے کی بعض رجعت پسند عرب حکومتوں کے خلاف زبردست نعرے لگائے اور عراق کی فضا امریکا مردہ باد اور اسرائیل مردہ باد کے فلک شگاف نعروں سے گونجتی رھی۔

Add comment