ھندوستان میں شھریت ترمیمی ایکٹ سی اے اے، این آر سی اور این پی آر کے خلاف احتجاجی مظاھروں کا نہ ختم ھونے والا سلسلہ جاری ہے اور اب شاھین باغ کی ھی طرح دیگر شھروں میں بھی خواتین میدان میں آگئی ہیں ۔
ھندوستانی میڈیا کے مطابق سی اے اے اور این آرسی کے خلاف جھاں دھلی کے شاھین باغ میں گذشتہ ایک مھینے سے زائد عرصے سے خواتین احتجاجی دھرنے پر بیٹھی ہیں وہیں اب ملک کے دیگر شھروں میں بھی خواتین سڑکوں پر نکل آئی ہیں اور سی اے اے اور این آرسی کے خلاف مظاھرے کررھی ہیں-
لکھنو میں حسین آباد کے علاقے گھنٹہ گھر کے قریب بھی خواتین احتجاجی دھرنے پر بیٹھ گئی ہیں جو سی اے اے اور این آرسی کو واپس لئے جانے کا مطالبہ کررھی ہیں –
خبروں میں کھا گیا ہے کہ مقامی انتظامیہ کی جانب سے سمجھانے بجھانے کی کوششوں کے بعد بھی لکھنو میں خواتین اپنا دھرنا جاری رکھنے کا اعلان کیا ہے –
ادھر ریاست بھار کے شھر گیا میں بھی گذشتہ بائیس روز سے خواتین دھرنے پر بیٹھی ہیں اور سی اے اے اور این آر سی کے خلاف احتجاج کررھی ہیں –
ریاست راجستھان کے دارالحکومت جے پور میں بھی خواتین کی بھت بڑی تعداد نے سڑکوں پر نکل کر سی اے اور این آر سی کے خلاف مظاھرہ کیا ہے –
مظاھرین کا کھنا ہے کہ وہ آئین کی حفاظت کے لئے سڑکوں پر نکلی ہیں - دھلی کے بھی مختلف علاقوں منجملہ شاھین باغ ، خریجی اور بلّی ماراں جیسے علاقوں میں مسلسل احتجاجی مظاھرے ھورھے ہیں-
ممبئی اور کولکتہ میں بھی خواتین نے مظاھرے کئے ہیں ۔ جبکہ شمال مشرقی ریاست آسام میں عوام اور طلبا کے مظاھرے پوری شدت کے ساتھ جاری ہیں-

Add comment