تحریک حماس کے سیاسی شعبے کے سربراہ نے فلسطینی پناہ گزینوں وطن واپسی کے حق پر تاکید کی ہے
تحریک حماس کے سیاسی شعبے کے سربراہ اسماعیل ھنیہ نے لبنان کے صدر میشل عون ، وزیر اعظم حسان دیاب اور پارلیمنٹ کے اسپیکر نبیہ بری سے ٹیلی فونی رابطے میں فلسطینی پناہ گزینوں کی وطن واپسی کے حق سمیت امریکی صھیونی منصوبے سینچری ڈیل کے بارے میں تبادلہ خیال کیا۔
تحریک حماس کے سربراہ نے اس ٹیلی فونی گفتگو میں فلسطینیوں کی وطن واپسی کے حق پر تاکید کی اور فلسطینی پناہ گزینوں کو میزبان ممالک میں مستقل سکونت دئے جانے کی کسی بھی کوشش کے بارے میں خبردار کیا۔
تحریک حماس کے رھنما کی ٹیلی فونی گفتگو میں لبنانی پارلیمنٹ کے اسپیکر نبیہ بری نے سینچری ڈیل کے مقابلے کے لئے غاصب صھیونی حکومت کے خلاف عملی طور پر استقامت اور قومی اتحاد کو ضروری قراردیا امریکی صدر ٹرمپ نے گذشتہ منگل کو وائٹ ھاؤس میں صھیونی وزیراعظم نیتن یاھو کی موجودگی میں سینچری ڈیل کی رونمائی کی ۔
بیت المقدس کو صھیونی حکومت کا دارالحکومت تسلیم کرنا، غرب اردن کی تیس فیصد زمینیں صھیونی حکومت کے حوالے کرنا ، فلسطینی پناہ گزینوں کی وطن واپسی کے حق کو چھیننا اور فلسطینیوں کو پوری طرح غیرمسلح کرنا سینچری ڈیل کی اھم ترین شقیں ہیں۔
دوسری جانب فلسطین کی اسلامی مزاحمتی تحریکوں حماس اور جھاد اسلامی نے سوڈان کی حکومتی کونسل کے سربراہ کی صھیونی وزیراعظم سے ملاقات کی مذمت کی ۔
تحریک حماس کے ترجمان حازم قاسم نے اعلان کیا ہے کہ سوڈان کی حکمراں کونسل کے سربراہ عبدالفتاح البرھان کی صھیونی وزیراعظم سے ملاقات ، صھیونی حکام کو ملت فلسطین کے حق میں جرائم جاری رکھنے اور عرب قوم اور امت مسلمہ کے مقدس مقامات کی اھانت جاری رکھنے کے سلسلے میں مزید جری و گستاخ کردے گی ۔
فلسطین کی تحریک جھاد اسلامی نے بھی ایک بیان جاری کرکے کھا ہے کہ صھیونی وزیر اعظم سے سوڈان کی حکومتی کونسل کے سربراہ کی ملاقات ، مسئلہ فلسطین کی حمایت میں سوڈانی عوام کے موقف کی عکاس نھیں ہے ۔ سوڈان کی حکومتی کونسل کے سربراہ عبدالفتاح برھان نے پیر کو یوگینڈا میں صھیونی وزیر اعظم بنیامن نیتن یاھو سے ملاقات میں باھمی تعلقات کو معمول پر لانے کے بارے میں گفتگو کی۔
صھیونی ذرائع کی رپورٹ کے مطابق نیتن یاھو نے سوڈان کی حکمراں کونسل کے سربراہ برھان سے اسرائیلی طیاروں کو سوڈان کے فضائی حدود استعمال کرنے کی اجازت دینے کی اپیل کی ۔سوڈان کی حکومت کے اعلان کے مطابق حکومتی کونسل کے سربراہ اور صھیونی وزیر ا‏عظم کی ملاقات ، سوڈانی کابینہ کی اطلاع کے بغیر انجام پائی ہے۔

Add comment