حزب اللہ لبنان کے سربراہ سید حسن نصر اللہ نے امریکہ کو علاقے کی تمام جنگوں کا ذمہ دار قرار دیتے ھوئے کھا کہ عوام کو چاھئیے کہ وہ تمام محاذوں میں امریکا کا مقابلہ کریں۔
حزب اللہ لبنان کے سیکریٹری جنرل سید حسن نصر اللہ نے شھید قاسم سلیمانی ، ابو مھدی المھندس، ان کے شھید رفقاء کے چھلم اور اسلامی انقلاب کی سالگرہ کی مناسبت سے ایک تقریب سے خطاب کرتے ھوئے کھا کہ امریکی حکومت نے گزشتہ چند ھفتوں کے دوران قاسم سلیمانی اورابو مھدی المھندس کو شھید اور سینچری ڈیل کی رونمائی کر کے دو بڑی جارحیت اور سنگین جرم کا ارتکاب کیا۔
سید حسن نصر اللہ نے کھا کہ ایران نے عملی طور پر ثابت کردیا ہے کہ وہ دنیا کے مستضعفین کے ساتھ ہے اور عالمی سامراجی طاقتوں کے خلاف فوجی ، اقتصادی ، سماجی ، ثقافتی اور ذرائع ابلاغ کے محاذوں پر نبرد آزما ہے۔
حزب اللہ لبنان کے سیکریٹری جنرل نے انقلاب اسلامی کے نتائج کی جانب اشارہ کرتے ھوئےکھا کہ ایران تمام تر پابندیوں کے باوجود ایرانی عوام کی استقامت سے فوجی، اقتصادی ، سماجی ، ثقافتی اور ذرائع ابلاغ کے محاذوں پر پیشرفت کر رھا ہے اور دشمنوں کے ناپاک منصوبوں کو ناکام بنا رھا ہے۔
سید حسن نصر اللہ نے شھید قاسم سلیمانی کے ممتاز اوصاف بیان کرتے ھوئے کھا کہ شھید قاسم سلیمانی ایک ایسے کمانڈر تھے جو عارف ، مجاھد اور قوم و ملک کےعاشق تھے اورشھید قاسم سلیمانی اور شھید ابو مھدی المھندس کی مظلومانہ شھادت نے خطے میں جاری مزاحمت میں ایک نئی روح پھونک دی ہے۔
انھوں نے کھا کہ امریکہ سینچری ڈیل کے ذریعے مقبوضہ فلسطین میں جنگ کے درپے ہے اور فلسطینی عوام اور تمام مسلمانوں کی ذمہ داری ہے کہ وہ امریکی منصوبے کے خلاف ڈٹ جائیں۔ امریکہ شیطان بزرگ ہے اور وہ عالمی استکبار اور دھشتگردوں کا حامی ہے اس لئے امریکی اشیاء اور مصنوعات کا بائیکاٹ کیا جانا چاھئیے۔
حزب اللہ لبنان کے سیکریٹری جنرل نے بحرینی عوام کی تحریک اور قیام کی جانب اشارہ کرتے ھوئے کھا کہ بحرینی عوام کی جدوجھد جاری ہے اور وہ اپنے حقوق کی بازیابی کیلئے جدوجھد کر رھے ہیں۔

Add comment