ایرانی فوج کے ترجمان نے امریکا میں رونما ھونے والے حالیہ واقعات کو امریکا کی کھوکھلی طاقت کے زوال کی واضح علامت بتاتے ھوئے کہا ہے کہ امریکی امپریالزم کی ھڈیوں کے ٹوٹنے کی آواز سنائی دینے لگی ہے۔
بریگیڈیر جنرل ابوالفضل شکارچی نے امریکی صدر کے نسل پرستانہ رویے اور سیاہ فام امریکی شھریوں کے خلاف اس ملک کی پولیس کے غیر انسانی تشدد کی طرف اشارہ کرتے ھوئے کہا کہ امریکا کی سامراجی حکومت نے، انسانی حقوق کے اپنے جھوٹے نعروں کے برخلاف، آج کل عوامی احتجاج کو کچلنے اور انتھائی پر تشدد رویہ اختیار کر کے اپنے کریھہ اور غیر انسانی چھرے کو پہلے سے زیادہ نمایاں کر دیا ہے اور جھوٹی جمھوریت کی بنیادوں کو ھلا دیا ہے۔
انھوں نے کہا کہ ایسے عالم میں کہ جب ان دنوں امریکا کے سامراجی نظام کو ملک گیر احتجاج اور بدامنی کا سامنا ہے، وائٹ ھاؤس کے سرغنہ، اپنی مداخلت پسندانہ پالیسیاں جاری رکھ کرخطے اور دنیا میں بہت سے بحرانوں کا سبب بنے ھوئے ہیں۔
واضح رھے کہ امریکا کی مینے سوٹا ریاست کے مینیاپولیس شھر کے لوگ، امریکا کے ایک سفید فام پولیس افسر کے ہاتھوں ایک سیاہ فام شھری جارج فلوئیڈ کو قتل کیے جانے کے خلاف گزشتہ منگل سے سراپا احتجاج بنے ھوئے ہیں اور مسلسل سڑکوں پر مظاھرے کر رھے ہیں۔
ایرانی فوج کے ترجمان نے اسی طرح ایرانی پولیس کے بعض افسران کے نام پابندیوں کی فھرست میں شامل کرنے کے امریکی وزارت خزانہ کے مضحکہ خیز اقدام کی طرف اشارہ کرتے ھوئے کہا کہ اس طرح کی کارروائیوں سے، جو واشنگٹن کی شکست کی غمازی کرتی ہیں، امریکا کی سامراجی اور تسلط پسندانہ فطرت کا مقابلہ کرنے کے اسلامی جمھوریہ ایران کے عوام اور حکام کے عزم میں ذرہ برابر بھی خلل پیدا نھیں ھوگا۔

Add comment