شام کی وزارت صحت نے بدھ کی رات ایک بیان جاری کر کے بتایا ہے کہ کورونا وائرس کی روک تھام کے لیے اختیار کی گئيں تدابیر کامیاب رھی ہیں۔
بیان میں کہا گيا ہے کہ شام کے خلاف امریکا کی ظالمانہ پابندیوں میں شدت کے باوجود، شام کی حکومت اور عوام نے میڈیکل شعبے کی جانب سے دی گئي ھدایات اور احکامات پر پوری طرح عمل کیا اور اس طرح، کورونا کے پھیلاؤ کو روکنے میں کامیابی حاصل کی گئي۔ شام کی وزارت صحت نے بتایا ہے کہ پچھلے ایک مھینے میں اس ملک میں کورونا کا ایک بھی نیا کیس سامنے نھیں آيا ہے۔
شام کے سرکاری اعداد و شمار کے مطابق اس ملک میں اب تک ایک سو تیئیس لوگ کورونا وائرس میں مبتلا ھوئے ہیں جن میں سے اب تک صرف چھے افراد کی موت ھوئي ہے۔
شام کی حکومت نے حالیہ دنوں میں زندگي کو معمول پر لانے کے لیے کوششیں شروع کر دی ہیں۔ اس نے اسٹیڈیموں، ثقافتی و مذھبی مراکز یہاں تک کہ ریسٹورینٹس کو بھی کھولنے کی اجازت دے دی ہے تاھم سیگریٹ نوشی اور حقے پر پابندی بدستور جاری رھے گي۔
شام کی وزارت صحت نے عوام کے درمیان سوشل ڈسٹینسنگ اور بھیڑ بھاڑ والے علاقوں سے دوری کو لازمی قرار دیا ہے۔

Add comment