پاکستان کے ایوان بالا (سینیٹ) کے چیئرمین صادق سنجرانی نے ھندوستان کے وزیراعظم نریندر مودی کے حالیہ دورہ متحدہ عرب امارات کے پس منظر میں عرب ملک کا دورہ منسوخ کرنے کا اعلان کردیاہے۔
سینیٹ سیکٹریٹ سے جاری اعلامیے کے مطابق چیئرمین سینیٹ نے متحدہ عرب امارات کا پھلے سے طے شدہ سرکاری دورہ منسوخ کرنے کا فیصلہ کیا۔
اعلامیے میں واضح کیا گیا کہ یہ دورہ ھندوستان کے وزیراعظم کے حالیہ دورے کے پس منظر کو دیکھتے ھوئے منسوخ کیا گیا۔
اس بیان میں کھا گیا کہ پاکستان کشمیریوں کی جدوجھد آزادی کی بھرپور حمایت کرتا ہے اور مودی حکومت کی جانب سے اس وقت کشمیری مسلمانوں پر ظلم و ستم کی انتھا ہے اور وھاں کرفیو نافذ ہے۔
جاری اعلامیے میں کھا گیا کہ ایسے موقع پر یو اے ای کا دورہ پاکستانی قوم اور کشمیری ماؤں، بھنوں اور بزرگوں کی دل آزاری کا باعث بنے گا، اس لیے چیئرمین سینیٹ نے اپنا اور پارلیمانی وفد کا دورہ منسوخ کیاہے۔
پاکستانی میڈیا کا کھنا ہے کہ ھندوستان کے زیرانتظام کشمیر کی موجودہ صورتحال کے باوجود متحدہ عرب امارات نے ھندوستان کے وزیراعظم نریندر مودی کو اپنے اعلیٰ ترین سول ایوارڈ سے نوازا تھا۔
متحدہ عرب امارات کے شیخ محمد بن زید النھیان نے نریندر مودی سے ملاقات کی تھی اور انھیں امارات کا اعلیٰ ترین سول ایوارڈ آرڈر آف زیاد‘سے نوازا تھا جبکہ اس دوران انھوں نے یہ بھی کھا تھا کہ ’آپ (ایوارڈ) کے حقدار ہیں۔
یاد رھے کہ ھندوستان نے 5 اگست کو مقبوضہ کشمیر کی خصوصی حیثیت سے متعلق آئین کے آرٹیکل 370 کا خاتمہ کردیا تھا اور اس علاقے کو ۳ حصوں میں تقسیم کرنے کا اعلان کیا تھا۔اس اعلان کے ساتھ ھی وادی کے 70 لاکھ لوگوں کے لیے ٹیلی فونک رابطے، موبائل فون، بروڈبینڈ انٹرنیٹ اور کیبل ٹی وی سروسز کو معطل کردیا تھا۔
علاوہ ازیں ھندوستان کی جانب سے متنازع علاقے کی خصوصی حیثیت کے خاتمے کے بعد مزاحمت کو روکنے کے لیے مکمل سیکیورٹی لاک کردیا گیا تھا جبکہ اب تک وادی میں کرفیو بھی نافذ ہے۔

Add comment