ایران کے وزیر خارجہ نے کھا ہے کہ علاقائی ممالک کے مابین طاقت کے توازن میں فرق اور عدم مساوات سے ایک بحران پیدا ھوا ہے۔
اسلامی جمھوریہ ایران کے وزیر خارجہ محمد جواد ظریف نے قطر میں منعقدہ دوحہ فورم کے اجلاس سے خطاب کرتے ھوئے کھا کہ عصر حاضر میں بعض علاقائی عناصرخطے میں لامتناھی عدم مساوات کو علاقائی سطح پر تسلط جمانے کیلئے اھم موقع سمجھتے ہیں اور یمن کی جنگ اور سعودی عرب کی جانب سے قطر کا محاصرہ اسی قسم کے غلط اندازوں اور تخمینوں کا المناک نتیجہ ہے۔
ایران کے وزیر خارجہ نے کھا کہ ھرمز امن منصوبے میں خطے کے ممالک کے درمیان یکجھتی، باھمی مفاھمت، پُرامن اور دوستانہ تعلقات، سمندری علاقوں میں آزاد اور پُرامن جھازرانی، تیل اور توانائی تک آسان رسائی اور تمام ممالک کو ایندھن کی ضروریات فراھم کرنا شامل ہیں.
انھوں نے مزید کھا کہ ھرمز امن منصوبے کے ذریعے خطے کے تمام اختلافات اور کشیدگی کو پُرامن طریقوں اور تعلقات کے فروغ کے ذریعے حل کرنا ھوگا۔
محمد جواد ظریف نے صدر مملکت حسن روحانی کیجانب سے اقوام متحدہ کی 72 ویں جنرل اسمبلی کے حالیہ اجلاس کے موقع پر ھرمز امن منصوبے جسے اتحاد امید بھی کھاجاتا ہے پر تبصرہ کرتے ھوئے کھا کہ اسلامی جمھوریہ ایران، ھرمز امن منصوبے کے فریم ورک کے اندر خطے کے ممالک کے درمیان تعمیری اور جامع تعاون کا خواھاں ہے۔
انھوں نے اس بات پر زور دیا کہ یہ تجویز خطے کے ہر ملک کے لئے ذمہ داری اور شراکت داری کی تعریف پر مبنی ہے اور اس کا مقصد بھی آبنائے ھرمز میں واقع تمام قوموں کی خوشحالی، ترقی اور سلامتی کو فراھم کرنا ہے.

Add comment