ھندوستان میں چھبیس جنوری یوم جمھوریہ سے ایک دن پھلے سی اے اے اور این آر سی کے خلاف احتجاجی مظاھروں میں مزید شدت آگئی ہے دھلی ، لکھنو ، کولکتہ ، بھار، جھارکھنڈ آسام اور ملک کے دیگر علاقوں میں احتجاجی مظاھرے اور دھرنے جاری ہیں جبکہ پٹنہ میں بائیں بازو کی جماعتوں کے حامیوں نے ایک انسانی زنجیر بنا کر سی اے اے اور این آر سی کی مخالفت کی ۔ دوسری جانب راجستھان اسمبلی نے سی اے اے این آر سی کے خلاف ریاستی حکومت کے بل کو پاس کردیا ہے۔
ھندوستان کے قومی دارالحکومت دھلی کے اٹھائیس مقامات منجملہ شاھین باغ سمیت ملک کے بھت سے علاقوں میں سی اے اے اور این آرسی کے خلاف احتجاجی مظاھروں اوردھرنے میں شدت آگئی ہے۔
ھندوستانی میڈیا کے مطابق آئین ھند کی منظوری کی سالگرہ یعنی چھبیس جنوری یوم جمھوریہ سے قبل سی اے اے کے خلاف جاری آئین بچاؤ تحریک میں سنیچر کو اور زیادہ جوش و جذبہ دیکھنے کو ملا ہے جبکہ مختلف مقامات پر سیکورٹی کو بھی پوری طرح الرٹ کرد یا گیا ہے -
چھبیس جنوری سے قبل لکھنو پولیس نے گھنٹہ گھر پر دھرنے پر بیٹھی خواتین میں سے بعض خواتین کو گرفتار کرلیا ہے ۔ پولیس نے خواتین کے ساتھ ساتھ کچھ ایسے مردوں کو بھی گرفتار کرلیا ہے جو دھرنے پر بیٹھی خواتین کے لئے کھانے پینے کا انتظام کررھے ہیں ۔
ھندوستانی میڈیا میں کھا جارھا ہے کہ سنیچر کو لکھنو کے علاقے حسین آباد کے گھنٹہ گھر کے قریب دھرنے کے مقام پر پولیس اور پیرا ملیٹری فورس کے جوانوں کی تعداد بھی بڑھادی گئی ہے اور فورس کے دستے وھاں گشت کررھے ہیں -
ریاست اترپردیش کے شھر الہ آباد کے روشن باغ میں بھی خواتین کا احتجاج جاری ہے - جبکہ رائے بریلی سے اطلاعات ہیں کہ پولیس نے دھرنے پر بیٹھی خواتین دھرنے کے مقام سے زبردستی ھٹا دیا ہے۔
ادھر ریاست بھار کے دارالحکومت پٹنہ میں بائیں بازو کی پانچ جماعتوں کے حامیوں نے پٹنہ میں کافی طویل انسانی زنجیر بناکر سی اےاے کے خلاف مظاھرہ کیا مظاھرین نے سی اے اے کو آئین ھند کے خلاف قراردیتے ھوئے کھا یہ ایکٹ ھندوستان کے آئین پر حملہ ہے اور ھم اس کی پرزور مخالفت کرتے ہیں - اس درمیان پٹنہ کے ھی سبزی باغ میں پچھلے کئی ھفتے سے خواتین کا دھرنا جاری ہے ۔
اس درمیان سی اے اے کے خلاف گوا میں چرچ اور عیسائی برداری سڑکوں پر اترآئی ہے - گوا سے موصولہ خبروں میں کھا گیا ہے گوا میں چرچ کے منتظمین اور عیسائی برادری سے تعلق رکھنے والوں نے احتجاجی مظاھرہ کرکے کھا کہ جس ملک میں بائیبل، گیتا، قرآن اور گرنتھ کی تعلیمات دی جاتی ھوں وھاں وہ سی اے اے جیسے قانون کی وہ مخالفت کرتے ہیں - گوا کے چرچ نے مطالبہ کیا سی اے اے اور این آر سی کو واپس لیا جائے۔
دوسری جانب کیرالا اور پنجاب کے بعد اب ریاست راجستھان کی اسمبلی نے بھی سی اے اے این آر سی اور این پی آر کے خلاف حکومتی بل کو پاس کردیا ہے - سی اے اے کے خلاف بل پاس کرنے والا راجستھان ملک کا تیسرا صوبہ بن گیا ہے ۔ اس سے پھلے کیرالا اور پنجاب کی بھی ریاستی اسمبلیوں میں سی اے اے کے خلاف بل پاس ھوچکا ہے ۔
ھندوستان کی شمال مشرقی ریاستوں منجملہ آسام میں بھی سی اے اے کے خلاف مظاھرے بدستور جاری ہیں طلبا تنظیموں نے اس قانون کے خلاف مورچہ سنبھال رکھا ہے۔

Add comment