رھبرانقلاب اسلامی نے فرمایا کہ پچھلے دنوں کے غیر معمولی اور تاریخ ساز واقعات ایران اور اس کے انقلابی عوام کی عظمت و وقار کا واضح مصداق ہیں۔
رھبرانقلاب اسلامی آیت اللہ العظمی سید علی خامنہ ای نے یورپ میں اعلی تعلیم کے حصول میں مصروف ایرانی طلبا کی اسلامی انجمنوں کی یونین کے چوّنویں اجلاس کے نام اپنے پیغام میں فرمایا کہ پچھلے دنوں کے اھم ترین واقعات منجملہ شھادتیں ، ایران کی فوجی طاقت کا اظھاراور میدان میں عوام کی غیر معمولی شرکت اور موجودگی یہ سب ایک تاریخ ساز حقیقت کے رونما ھونے کی علامتیں ہیں -
آپ نے اپنے پیغام میں یورپ میں زیرتعلیم ایرانی طلبا کو مخاطب کرتے ھوئے فرمایا کہ انقلاب کا اگلا قدم اس حقیقت کو منزل کمال تک پھنچا سکتا ہے اور آپ لوگ ان تاریخ ساز اور منتخب افراد میں شامل ھوسکتے ہیں -
رھبرانقلاب اسلامی نے فرمایا کہ عظیم کمانڈروں کی شھادتیں ، ان کے جلوس جنازہ میں عوام کی تاریخی شرکت ، ایران کی فوجی اور دفاعی طاقت کا مظاھرہ ، نوجوانوں اور جوانوں کا مضبوط ارادہ اور جذبہ محکم، سائنس و ٹیکنالوجی کے میدان میں سرگرم مومن جوانوں کے ساتھ مل کر آج کی دنیا میں ایک غیر معمولی اور تاریخی حقیقت رقم کرسکتا ہے ایسی حقیقت جو آئندہ کی تاریخ کے لئے گھرے اور فیصلہ کن اثرات کی حامل ھوسکتی ہے -
رھبرانقلاب اسلامی کے اس پیغام کو یورپ میں ایرانی طلبا کی اسلامی انجمنوں کی یونین میں رھبرانقلاب اسلامی کے نمائندے حجت الاسلام جواد اژہ ای نے ویانا میں ایرانی طلبا کے اجلاس میں پڑھ کر سنایا۔

Add comment