یمن کی الحدیدہ بندرگاہ کے حکام نے اعلان کیا ہے کہ سعودی اتحاد نے اس بندرگاہ کے اطراف میں ایندھن اور غذائی اشیا کے حامل تیرہ بحری جھاز روک رکھے ہیں اور دیگر جھازوں کو بھی لنگرانداز نھیں ھونے دے رھا ہے-
یمن کی المسیرہ ٹی وی کی رپورٹ کے مطابق الحدیدہ بندرگاہ کے حکام نے بتایا ہے کہ جن بحری جھازوں کو سعودی اتحاد کے فوجیوں نے روک رکھا ہے اس میں ایک لاکھ اکسٹھ ھزار ٹن ایندھن ، تقریبا آٹھ ھزار پانچ سو ٹن گیس ، اڑسٹھ ھزار ایک سو تیس ٹن غذائی اشیاء ہیں ۔
روکے جانے والے جھازوں کے پاس اقوام متحدہ کا لائسنس ہے لیکن سعودی اتحاد ، یمن کے عوام پر دباؤ ڈالنے کے لئے ان جھازوں کو الحدیدہ بندرگاہ پر لنگرانداز ھونے کی اجازت نھیں دے رھا ہے اور انھیں روکے ھوئے ہے۔
یمن کی مستعفی حکومت اور تحریک انصاراللہ کے درمیان تیرہ دسمبر دوھزار اٹھارہ کو سوئیڈن کے دارالحکومت اسٹاکھوم میں ھونے والے امن مذاکرات میں الحدیدہ اور تعز صوبوں کے بارے میں کچھ سمجھوتے ھوئے تھے تاھم سعودیوں کی مداخلت کے باعث ان پر عمل درآمد نھیں ھو رھا ہے۔ اقوام متحدہ کے ادارہ خوراک نے اعلان کیا ہے کہ بارہ ملین یمنیوں کو قحط کا سامنا ہے۔
یمن میں سعودی عرب اور اس کے اتحادیوں کے تخریبی اقدامات نہ صرف اس ملک میں خوراک و دوا کی شدید کمی کا موجب ہیں بلکہ جارح سعودی اتحاد کے حملوں کے نتیجے میں اب تک سولہ ھزار سے زیادہ یمنی شھید اور ھزاروں افراد زخمی ھو چکے ہیں۔

Add comment