فرانس پریس کی رپورٹ کے مطابق شامی حکومت کے مخالفین سے وابستہ انسانی حقوق کے ادارے نے اعلان کیا ہے کہ شام کی فوج نے دوھزار بارہ کے بعد پہلی بار حلب - دمشق ھائی وے پر پوری طرح کنٹرول حاصل کر لیا ہے۔
حلب - دمشق کا ھائی وے تین سو چھپن کیلومیٹر ہے یہ ھائی وے دمشق سے شروع ھوا ہے اور حمص ، حماہ ، خان شیخون ، معرۃ النعمان اور سراقب شھروں سے ھوتے ھوئے حلب تک پھنچتا ہے۔
درایں اثنا شامی ذرائع ابلاغ نے خبردی ہے کہ شامی فوج نے مغربی سراقب میں واقع النیرب کالونی پر النصرہ دھشتگرد گروہ کے لئے کام کرنے والے دھشتگرد گروھوں کے شدیدحملے کو پسپا کردیا ۔
میدان جنگ سے موصول ھونے والی رپورٹوں کے مطابق شامی فوج نے النیرب کالونی پر النصرہ محاذ اور اجناد القوقاز دھشتگرد گروہ کے شدید حملے کو ناکام بنا دیا۔ شام اور روس کے جنگی طیاروں نے اس علاقے اور سرمین ، قیمناس اور تفتناز شھروں کے مضافاتی علاقوں پر بھی بمباری کی ہے۔

Add comment