اسلامی ممالک کے کئی علماء نے یمن میں ھونے والے اجلاس کے موقع پر مغربی ایشیا میں امریکی مداخلت کی مذمت کرتے ھوئے علاقے سے امریکہ کے فوری انخلا پر تاکید کی۔
المسیرہ ٹیلی ویژن چینل کی رپورٹ کے مطابق یمن میں امریکی اور صھیونی مخالف اجلاس کے موقع پر عراق، یمن، شام، لبنان اور فلسطین کے علماء نے خطاب کیا۔
جمعیت علمائے عراق کے صدر شیخ خالد ملا، حماس کے سینئر رھنما محمود الزهار، لبنان کے متحدہ علماء کے سیاسی روابط کے صدر حسین غبریس، علمائے استقامت کی یونین کے صدر شیخ ماهر حمود اور شام کے مفتی اعظم بدرالدین حسون نے اس اجلاس میں ویڈیوکانفرنس کے ذریعے خطاب کیا۔
مقررین نے اس اجلاس میں سینچری ڈیل کو اسرائیل کے وجود کی ضمانت فراھم کرنے، علاقے کے مال و دولت کو تاراج کرنے ، اختلافات پیدا کرنے اور صھیونی حکومت اور عرب ممالک کے مابین روابط کی برقراری کا مقصد و ھدف قرار دیا۔
شام کے مفتی اعظم بدرالدین حسون نے اس اجلاس میں خطاب کرتے ھوئے بعض عرب ممالک پر کڑی نکتہ چینی کی اور کھا کہ کیسے بعض ممالک مقبوضہ فلسطین کیلئے اپنی فضائی حدود کو استعمال کرنے کی اجازت دیتے ہیں جبکہ زخمیوں کی مدد کیلئے صنعا ایر پورٹ سے پرواز کی اجازت نھیں دیتے۔
اس اجلاس کے اختتامی بیانیے میں علاقے میں امریکہ کی کھلی مداخلت اور امت اسلامی کے فرزندوں خاص طور سے سپاہ قدس کے کمانڈر شھید قاسم سلیمانی اور حشد الشعبی کے ڈپٹی کمانڈر شھید ابومھدی المھندس اور ان کے ساتھیوں پر حملے کی شدید الفاظ میں مذمت کی گئی۔

Add comment