اسلامی جمھوریہ ایران میں گیارھویں پارلیمانی انتخابات میں رھبر انقلاب اسلامی آیت اللہ العظمی سید علی خامنہ ای اور دیگر مراجع کرام نے ابتدائی لمحات میں ھی اپنا حق رائے دھی استعمال کیا۔ اسی کے ساتھ مختلف شھروں سے خبر ملی ہے کہ لوگ ووٹنگ کا وقت شروع ھونے سے پھلے ھی لائن میں لگ گئے تھے ۔
رھبرانقلاب اسلامی نے جمعہ کی صبح حسینیہ امام خمینی میں اپنا ووٹ ڈالنے کے بعد اس بات کا ذکرکرتے ھوئے کہ انتخابات ملک اور قوم کے مفادات کے ضامن ہیں فرمایا کہ انتخابات کا دن قومی جشن کا دن ہے - انھوں نے اس بات پر زور دیتے ھوئے کہ انتخابات ایک شرعی فریضہ ہے کھا کہ انتخابات کا دن قوم کے حق کی تکمیل کا دن ہے اس لئے سب کو چاھئے کہ اس دن اپنے حق رائے دھی کا استعمال کریں اور امور مملکت میں اپنی رائے کا اظھار کرکے جو ان کا حق ہے اس کو حاصل کریں -
دیگر مراجع عظام نے بھی گیارھویں پارلیمنٹ کے لئے ووٹنگ کے ابتدائی اوقات میں ھی اپنے حق رائے دھی کا استعمال کیا -
بزرگ مرجع تقلید آیت اللہ العظمی ناصرمکارم شیرازی نے قم میں اپنا ووٹ ڈالنے کے بعد کھا کہ انتخابات میں عوام کی بھرپور شرکت دشمن کو مایوس کرے گی -
آیت اللہ العظمی حسین نوری ھمدانی نے بھی قم میں اپنا ووٹ ڈالنے کے بعد کھا کہ آج اسلامی جمھوریہ ایران عظمت و طاقت کی بلندی پر واقع ہے اور انتخابات میں عوام کی بھرپور شرکت اس عظمت و طاقت میں مزید اضافے کا سبب بنے گی -
آیت اللہ العظمی جعفر سبحانی ،آیت اللہ العظمی جوادی آملی ، آیت اللہ العظمی سید محمد علوی گرگانی اور آیت اللہ العظمی صافی گلپائگانی نے بھی بیلٹ بکسوں میں اپنے ووٹ ڈالنے کے بعد کھا کہ اسلامی جمھوری نظام کی حفاظت کے لئے انتخابات میں شرکت واجب ہے -
ایران کے عوام گیارھویں مجلس شورائے اسلامی یا پارلیمنٹ کے انتخابات کے لئے جمعہ کی صبح آٹھ بجے سے ھی پولنگ مراکز پراپنے ووٹ ڈالنے پھنچ گئے ہیں -
مجلس شورائے اسلامی کے انتخابات کے ساتھ ساتھ جمعہ کو پانچویں مجلس خبرگان کے لئے پہلے ضمنی انتخابات کے لئے ووٹ ڈالے گئے - ایران کے پارلیمانی انتخابات میں دوسو آٹھ حلقوں میں دو سو نوے نشستوں کے لئے ووٹنگ ھورھی ہے -

Add comment