شام کی فوج نے امریکی فوجیوں کی پیشقدمی روکتے ھوئے انھیں شھر حسکہ سے پسپائی اختیار کرنے پر مجبور کر دیا۔
اسپوٹینک نیوزایجنسی کی رپورٹ کے مطابق شام کی فوج نے حسکہ کے السیباط اور تل اسود کی جانب امریکی فوجیوں کی گشتی گاڑیوں کے مقابلے میں ڈٹ گئی اور انھیں اس علاقے سے گذرنے نھیں دیا۔
اس رپورٹ کے مطابق جمعے کو پچاس فوجی گاڑیوں پرمشتمل امریکی فوجی کانوائے شھر حسکہ سے دیرالزور کے مشرقی مضافاتی علاقے میں واقع العمر آئل فیلڈ کے قریب امریکی فوجی چھاؤنی کی جانب جا رھا تھا۔
شام کی فوج نے اس سے قبل بارہ فروری کو بھی امریکی فوج کو صوبہ حسکہ کے قامشلی شھر کے مضافاتی دیھات خربہ عمو میں داخل ھونے سے روک دیا تھا۔
درایں اثنا شام کے اینٹی ایئر کرافٹ نے صوبہ ادلب میں دھشت گرد گروھوں کے دو ڈرونز طیاروں کو مار گرایا۔ شام کے ٹیلی ویژن چینل الاخباریہ کی رپورٹ کے مطابق ان ڈرونز کو صوبہ ادلب کے شھر النیرب میں گرایا گیا ہے۔ دھشتگردوں نےگزشتہ مھینوں کے دوران کئی بار صوبہ ادلب کو نشانہ بنایا ہے۔

Add comment