یمن کی اعلی سیاسی کونسل کے سربراہ مھدی المشاط نے اتوار کے روز ثاقب ایک، ثاقب دو، ثاقب تین اور فاطر ایک ایئر ڈیفینس سسٹم کی تقریب رونمائی سے خطاب کرتے ھوئے کھا ہے کہ ھماری فوج نے اپنی اندرونی توانائیوں کو بروئے کار لاتے ھوئے ایئر ڈیفینس سسٹم کو مضبوط بنانے کی جانب قدم بڑھایا ہے۔
انھوں نے کھا کہ یہ پیشرفت انصاراللہ کےسربراہ عبدالملک بدرالدین الحوثی کی جانب سے دفاعی طاقت میں اضافے کے وعدوں کا حصہ ہے۔
مھدی المشاط کا کھنا تھا کہ نئے دفاعی سسٹم سعودی اتحاد کے خلاف جنگ کی صورتحال کو تبدیل کرنے میں اھم کردار ادا کریں گے۔
اس موقع پر یمن کی اعلی سیاسی کونسل کےسربراہ مھدی المشاط، وزیر دفاع محمد ناصر العاطفی، یمن کے چیف آف اسٹاف جنرل محمد الغماری اور مسلح افواج کے ترجمان یحی السریع کو یمنی ماھرین کے ذریعے تیار کیے جانے والے مذکورہ ایئر ڈیفینس سسٹم کی تیاری اور کارکردگی کے بارے میں بریفنگ بھی دی گئی۔
اس موقع پر پانچ سال سے جاری سعودی جارحیت کے دوران انصاراللہ کے ایئر ڈیفینس یونٹوں کی جانب سے تیار کیے جانے والے دفاعی سسٹم کی تیاری کے بارے میں ایک دستاویزی فلم بھی دکھائی گئی۔
یمن کی اعلی سیاسی کونسل کے سربراہ مھدی المشاط نے اس موقع پر ملک کی وزارت دفاع، مسلح افواج اور ان تمام اداروں کا شکریہ ادا کیا جنھوں نے جارح دشمن کا مقابلہ کرنے کی غرض سے ایئر ڈیفینس سسٹم کی تیاری میں اپنا کردار ادا کیا ہے۔
دوسری جانب اطلاعات ہیں کہ یمن کے ایئر ڈیفینس یونٹوں نے سعودی عرب کے صوبے جیزان کے مشرقی علاقے الخوبہ پر پرواز کرنے والے سعودی ڈرون طیارے کو مار گرایا ہے۔
ایک اوراطلاع کے مطابق یمن کے مرکزی صوبے مآرب میں واقع سعودی اتحاد کے حمایت یافتہ مفرور و مستعفی صدر منصور ھادی سے وابستہ مسلح افراد کی الصحن الجن چھاونی کو راکٹ حملوں کا نشانہ بنایا گیا ہے۔
منصور ھادی سے وابستہ عناصر نے عوامی تحریک انصار اللہ کو اس حملے کا ذمہ دار قرار دیا ہے تاھم انصار اللہ کے ذرائع نے تاحال اس خبر کی تصدیق نھیں کی ہے۔ پچھلے ایک ماہ کے دوران الصحن الجن چھاونی پر کیا جانے والا یہ تیسرا حملہ ہے۔اس سے قبل اس چھاونی کے ایمونیشن ڈیپو پر کیے جانے والے حملے میں سعودی اتحاد کے درجنوں فوجی ھلاک اور زخمی ھوگئے تھے۔

Add comment