ایران کی وزارت صحت نے اعلان کیا ہے کہ ملک میں اب تک ایک لاکھ نو ھزار چار سو سینتیس افراد کورونا وائرس سے صحتیاب ھو کر اسپتالوں سے ڈسچارج ھو چکے ہیں
ایران کی وزارت صحت کے ترجمان ڈاکٹر کیانوش جھانپور نے منگل کو کورونا کے حوالے سے اپنی پریس بریفنگ میں کہا کہ گذشتہ چوبیس گھنٹے کے دوران ایک ھزار سات سو ستاسی نئے مریضوں کا پتہ چلا ہے۔
کیانوش جھانپور نے مزید کہا کہ نئے مریضوں میں تین سو باون مریضوں کو ایڈمیٹ کر کے علاج کیا جا رھا ہے اور باقی ایک ھزار چار سو پینتیس افراد کورونا مریضوں کے رابطے میں تھے جن کی شناخت کر لی گئی۔
ایران میں کورونا مریضوں کی مجموعی تعداد ایک لاکھ انتالیس ھزار پانچ سو گیارہ تک پھنچ گئی ہے۔ ایران کی وزارت صحت کے ترجمان نے کہا کہ گذشتہ چوبیس گھنٹے کے دوران کورونا کے ستاون مریض جاں بحق ھوئے ہیں اور اس طرح مجموعی طور سے کورونا سے جاں بحق ھونے والوں کی تعداد سات ھزار پانچ سو آٹھ ھو گئی ہے۔
دنیا میں کورونا کے کل مریضوں کی تعداد پانچ ملین چھے لاکھ پانچ ھزار تک پھنچ گئی ہے جن میں سے کم سے کم تین لاکھ اڑتالیس ھزار اپنی جان سے ہاتھ دھو چکے ہیں اور دوملین تین لاکھ اڑتیس ھزار افراد صحتیاب ھو کر اسپتالوں سے گھروں کو جا چکے ہیں۔

Add comment