حزب اللہ لبنان نے صھیونی حکومت کے قبضے سے جنوبی لبنان کی آزادی کو علاقے کی تاریخ کا سنگ میل قرار دیا ہے
المنار ٹی وی کی رپورٹ کے مطابق حزب اللہ لبنان کے نائب سربراہ شیخ نعیم قاسم نے کہا ہے کہ جنوبی لبنان کے آزادی نے صھیونی فوج کے ناقابل شکست ھونے کا طلسم چکنا چور کر دیا۔
حزب اللہ لبنان کے نائب سربراہ نے کہا کہ فلسطین ، لبنان اور علاقے کے لئے صھیونی حکومت کا خطرہ بدستور باقی ہے اور اس بنا پر استقامت کو پوری طرح الرٹ رھنا چاھئے۔
تحریک جھاد اسلامی فلسطین نے بھی اعلان کیا ہے کہ استقامت و مزاحمت کی راہ کو جاری رکھنا ھی غاصبوں کے مقابلے کا واحد آپشن ہے۔ تحریک جھاد اسلامی فلسطین نے جنوبی لبنان سے غاصب صھیونی دھہشتگردوں کے انخلاء کی بیسویں سالگرہ کی مناسبت سے ایک بیان جاری کر کے حزب اللہ اور لبنان کی اسلامی استقامت کے مجاھدین کو مبارک باد پیش کی اور اس دن کو تاریخ میں ایک اھم موڑ سے تعبیر کیا۔
تحریک جھاد اسلامی نے واضح کیا کہ ملت فلسطین نے اپنی زمینوں کو دشمن کے قبضے سے چھیننے کے لئے استقامت کا آپشن چنا ہے اور صھیونی حکومت کی نابودی یقینی ہے۔
حماس نے بھی صھیونی حکومت کے غاصبانہ قبضے سے جنوبی لبنان کی آزادی کی سالگرہ پر لبنانی عوام اور استقامتی محاذ کو مبارکباد پیش کی ہے۔

Add comment