امریکی دھشتگردوں کا ایک کانوائے عراق سے نکل کر شام کے الحسکہ اور دیرالزور صوبوں میں تعینات ھو گیا ہے۔
شام کی نیوز ایجنسی سانا کی رپورٹ کے مطابق امریکی دھشتگردوں کا ایک کارواں غیر قانونی طور پر الولید گذرگاہ کو عبور کرتے ھوئے عراق سے شام میں داخل ھو گیا ہے۔
صوبہ الحسکہ کے شمال مشرق میں موجود خبری ذرائع نے بتایا ہے کہ الولید گذرگاہ کے جنوب میں واقع المحمودیہ دیھات سے چھے امریکی بکتر بند گاڑیاں شام کی کرتشوک آئل فیلڈ کی جانب روانہ ھوئی ہیں۔ شام کی کرتشوک آئل فیلڈ پر امریکہ کا قبضہ ہے۔
شام سے امریکی دھشتگردوں کے انخلا کے پروگرام کے باوجود واشنگٹن شام و عراق کی سرحد کے قریب واقع التنف فوجی اڈے پر اپنا قبضہ برقرار رکھے ھوئے ہے اور شام کی آئل فیلڈز پر دھشتگردوں کے دوبارہ قبضے کو روکنے کے بھانے اپنی دھشتگرد کمپنیوں کے ٹھیکیداروں کو دریائے فرات کے مشرقی علاقوں میں تیل کے کنؤوں اور گیس کے ذخائر کے پاس ھی تعینات کئے ھوئے ہے۔
شام کے صدر بشار اسد نے ابھی حال ھی میں امریکہ کو نازی جرمنی جیسا بتاتے ھوئے کہا تھا کہ واشنگٹن شام کا تیل لوٹ رھا ہے۔

Add comment