درجنوں فلسطینیوں نے بیت المقدس کے مرکزی علاقے میں صھیونی فوجیوں کے تشدد آمیز رویے کے خلاف مظاھرے کیے ہیں۔ دوسری جانب قطر اور اردن نے غرب اردن کے الحاق کے فیصلے کی بابت صھیونی حکام کو سخت خبردار کیا ہے۔
درجنوں فلسطینی، مقبوضہ بیت المقدس کے مرکزی علاقے کی سڑکوں پر نکل آئے اور انھوں نے صھیونی دھشتگردوں کے ہاتھوں ذھنی طور پر معذور فلسطینی کے قتل کے خلاف شدید احتجاج کیا۔ مظاھرین نے اپنے ہاتھوں میں فلسطین کے پرچم اور پلے کارڈ اٹھا رکھے تھے اور وہ نعرے لگا کر صھیونی فوجیوں کے ہاتھوں ذھنی توازن سے محروم فلسطینی نوجوان کے قتل کی مذمت کر رھے تھے۔
اس درمیان غاصب صھیونی دھشتگردوں نے پرامن مظاھرہ کرنے والے فلسطینیوں پر لاٹھی چارج کر کے انھیں تشدد کا نشانہ بنایا اور متعدد کو گرفتار بھی کر لیا۔
صھیونی فوجیوں نے گزشتہ دنوں ایاد الحلاق نامی ایک ذھنی معذور فلسطینی نوجوان کو قدیم بیت المقدس کے علاقے باب الاسباط کے قریب گولی مار کر شھید کر دیا تھا۔
صھیونیوں کے اس مجرمانہ فعل کے بعد، پچھلے کئی روز سے مقبوضہ بیت المقدس میں مسلسل مظاھرے کیے جارھے ہیں اور فلسطینیوں میں شدید غم و غصہ پایا جاتا ہے۔
ادھر فلسطین کی وزارت خارجہ کے جاری کردہ بیان میں کہا گیا ہے کہ صھیونی حکومت نے اپنے دھشتگردوں کو فلسطینیوں کے قتل عام کی کھلی چھوٹ دے رکھی ہے اور فلسطینی نوجوانوں کا تواتر کے ساتھ قتل صھیونی حکومت کے نسل پرستانہ اور متعصبانہ اقدامات کا منہ بولتا ثبوت ہے۔
دوسری جانب قطر اور اردن نے غرب اردن کے بعض علاقوں کے اسرائیل میں انضمام کے فیصلے کی بابت صھیونی حکام کو سخت خبردار کیا ہے۔ قطر کے وزیر خارجہ محمد بن عبد الرحمان نے اپنے ایک بیان میں کہا ہے کہ ان کا ملک غرب اردن کے مزید علاقوں کو اسرائیل میں ضم کیے جانے کے فیصلے کو مسترد کرتا ہے۔ انھوں نے کہا کہ ہم اس فیصلے کی شدید مخالفت اور فلسطینی عوام کی حمایت کرتے ہیں۔
اردن کے وزیر خارجہ ایمن الصفدی نے بھی غرب اردن کے الحاق کے منصوبے کے بارے یمں اسرائیل کو ایک بار پھر خبردار کیا ہے۔ ایمن الصفدی کا کھنا تھا کہ غرب اردن کو اسرائیل میں ضم کیے جانے کی صورت میں ان کا ملک خاموش نہیں رھے گا اور تل ابیب کو اس اقدام کا جواب دیا جائے گا۔
انھوں نے عالمی برادری سے مطالبہ کیا کہ وہ عالمی قوانین اور ضابطوں کے تحت اسرائیل کو غرب اردن پر قبضے کی کوششوں سے باز رکھنے کے لیے ٹھوس اقدامات کرے۔

Add comment