ایران کے وزیر صحت نے کہا کہ ملک نے کورونا ویکسین کی تیاری میں اھم پیشرفت حاصل کرلی ہے اور جلد ہی اس ویکسین کا ھیومن ٹرائل شروع کردیا جائے گا۔
تھران میں فارمیکس دوھزار بیس کے نام سے شروع ھونے والی بین الاقوامی نمائش کی افتتاحی تقریب سے خطاب کرتے ہوئے ایران کے وزیر صحت ڈاکٹر سعید نمکی کا کہنا تھا کہ کورونا کی ایرانی ویکسین کا انیمل ٹرائل کامیاب رہا ہے اور اس کے بہترین نتائج برآمد ھوئے۔
انھوں نے کہا کہ ایرانی سائنسدانوں کی تیار کردہ کورونا ویکسین کا ھیومن ٹرائل عنقریب شروع کردیا جائے گا۔ ایران کے وزیر صحت نے ملک میں دواؤں اور میڈیکل آلات کی پیداوار میں اضافے کی جانب اشارہ کرتے ہوئے کہا کہ پابندیوں کے باوجود کوئی بیماری ایسی نہیں جس کی دوا‏ئيں اندرون ملک تیار نہ کی جارہی ھوں۔
ڈاکٹر سعید نمکی نے ایران کو دواؤں اور دواؤں کے خام مال کی پیداوار کے لحاظ سے خطے کا سب سے طاقتور ملک قرار دیا۔
انھوں نے کہا کہ ایرانی سائنسدانوں اور نالج بیسڈ کمپنیوں کی انتھک محنت کے نتیجے میں آج ہم دواؤں کا خام مال برآمد کرنے والے ملکوں کی صف میں کھڑے ہیں۔
ایران کے وزیر صحت نے کہا کہ کورونا کے آغاز کے ساٹھ روز کے اندر اندر ایران اس موذی وائرس کے مقابلے کے لیے ضروری سیفٹی آلات اور وسائل برآمد کرنے والا ملک بن گیا تھا۔

Add comment