ماورائے عدالت پھانسیوں سے متعلق اقوام متحدہ کی خصوصی رپورٹر نے معروف صحافی جمال خاشقجی کے قتل میں ملوث افراد کی فہرست میں سعودی عرب کے ولی عھد بن سلمان کا نام بھی شامل کیے جانے کا امکان ظاھر کیا ہے۔
ماورائے عدالت پھانسیوں سے متعلق اقوام متحدہ کی خصوصی رپورٹر محترمہ انیس کالامار نے کہا ہے کہ توقع ہے کہ ترکی کا محکمہ انصاف جمال خاشقجی کے قتل میں ملوث افراد کی دوسری فہرست جاری کرے گا جس میں سعودی ولی عھد کا نام بھی شامل ھوگا۔
انھوں نے کہا کہ ترکی میں جمال خاشقجی قتل کیس کی سماعت کے پہلے دن بن سلمان کا نام بارھا گواھوں کی زبانی سنا گیا ہے۔
قابل ذکر ہے کہ سعودی صحافی جمال خاشقجی قتل کیس کی کارروائی تمام بیس ملزمان کی غیر موجودگی میں، جمعے سے ترکی میں شروع ھو گئی ہے۔ سعودی صحافی جمال خاشقجی دو اکتوبر دوھزار اٹھارہ کو ترکی کے شہر استنبول میں سعودی قونصل خانے کے اندار داخل ھونے کے بعد لاپتہ ھو گئے تھے۔
سعودی حکام نے ایک ھفتے کے انکار بعد آخر کار اس بات کا اعتراف کیا تھا انھیں قونصل خانے کے اندر قتل کر دیا گیا ہے۔

Add comment