منامہ میں آل خلیفہ حکومت کی سیکورٹی فورس کے ھاتھوں ایک اور نوجوان کی شھادت کے بعد بحرینی عوام نے وسیع پیمانے پر احتجاجی مظاھرے کئے ہیں۔
رپورٹ کے مطابق آل خلیفہ حکومت کی سیکورٹی فورس نے نویدرات میں بحرینیوں پر بلااشتعال فائرنگ کر دی جس میں عبداللہ العجوز نامی ایک نوجوان شھید ھو گیا۔اس واقعے کے بعد نویدرات اور المعامیر کے لوگوں نے شھید ھونے والے اس بحرینی نوجوان اور بحرین کے معروف عالم دین آیت اللہ شیخ عیسی قاسم کی تصاویر ھاتھوں میں لے کر وسیع پیمانے پر احتجاج کیا۔
مظاھرین نے آل خلیفہ حکومت کے خلاف نعرے لگائے اور بحرینی انقلابیوں کی سرکوبی کی شدید مذمت کی۔آل خلیفہ حکومت کے سیکورٹی اھلکاروں نے بحرینی مظاھرین کے خلاف آنسو گیس کا بھی استعمال کیا۔
قابل ذکر ہے کہ بحرین میں آل خلیفہ حکومت کے خلاف فروری دو ھزار گیارہ سے احتجاجی مظاھروں کا سلسلہ جاری ہے۔ بحرین کے عوام اپنے ملک میں سیاسی اصلاحات، جمھوریت کے قیام اور انصاف و آزادی نیز امتیازی سلوک کے خاتمے کا مطالبہ کر رھے ہیں۔ جبکہ آل خلیفہ حکومت، سعودی عرب کے فوجیوں کی مدد سے ان مظاھرین کے خلاف مسلسل طاقت کا استعمال کر رھی ہے۔

Add comment